| e-texts navigator |
| Wylie |
89a1 བར་སྤེལ་ཞིང་བསྟན་པར་གྱིས། ། ལུས་སེམས་རྟག་ཏུ་བདེ་བའི་ཕྱིར།། ཕྱག་འཚལ་རྣམས་ལ་བསྲུང་བར་བགྱི།། གང་ཞིག་སྡོམ་པ་ཞིག་པ་དང་།། མཚམས་མེད་ལྔ་ཡི་སྡིག་པ།
89a2 དང་།། མཉམ་པ་ཉིད་ལ་སྐུར་པའི་རྣམས།། སངས་རྒྱས་དེ་དག་མཚན་ཐོས་པས།། རྣམ་དག་ས་རུ་བདེ་བར་གནས།། དཔེར་ན་རྒྱལ་བུ་དགེ་མཐོང་བཞིན།། ད་དུང་མ་འོངས་ཕྱི་དུས་ན།། སངས་རྒྱས
89a3 རང་བཞིན་མཐོང་བར་འགྱུར། ། དེ་ནས་བཅོམ་ལྡན་འདས་ཤཱཀྱ་ཐུབ་པས།། ཚེགས་ཆེན་པོ་རྣམས་ལ་འདི་སྐད་ཅེས་བཀའ་སྩལ་ཏོ།། ཁྱེད་རྣམས་ལེགས་པར་ཉོན་ཅིག། ཁྱེད་རྣམས་ལ་སྔོན་བྱུང་བའི
89a4 ལས་ཀྱི་རྒྱུ་རྐྱེན་བཤད་པར་བྱའོ། ། ང་སྔོན་བསྐལ་པ་དཔག་ཏུ་མེད་པ་འདས་པའི་སྔོན་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཛེས་པའི་འོད་ཅེས་བྱ་བ་ལས།
89a5 ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་ཐོས་ནས། ཤིན་ཏུ་དགའ་བའི་སེམས་བསྐྱེད་དེ། ཐལ་མོ་སྦྱར་ཞིང་སྤྱི་བོར་བླངས་སོ།། བླངས་ནས་ཀྱང་སེམས་ཅན་གང་ནས་གང་དུ་གནས་པ་དེ་དང་དེར
89a6 དཔག་ཏུ་མེད་པ་མཐའ་ཡས་པའི་སེམས་ཅན་རྣམས་ལ་རྒྱ་ཆེར་སྤེལ་ཞིང་བསྟན་ཏེ། སངས་རྒྱས་ཀྱི་མཚན་ཐོས་པར་བྱས་སོ།། དེའི་ཚེ་དེའི་དུས་ན་ཚོགས་རྣམས་ཀྱི་ནང་དུ་མི་སུམ་སྟོང་ཉི་ཚེ་ཞིང་། ངའི
89a7 ཆོས་ཀྱི་དོན་དང་འཐུན་ཏེ། དད་པའི་སེམས་དཔག་ཏུ་མེད་པ་སྐྱེས་ནས། ངའི་ཐད་དུ་སངས་རྒྱས་དེ་རྣམས་ཀྱི་མཚན་ནས་བརྗོད་ཅིང་ཕྱག་བྱས་པས། ད་ལྟར་ཕྱོགས་བཅུར་སྣང་ཞིང་མངོན་པར་སངས
iiif viewer powered by OpenSeadragon
