| e-texts navigator |
| Wylie |
88b1 འདི་སྐད་གསོལ་ཏེ་བདག་ཅག་རྣམས།། སངས་རྒྱས་གྲུབ་ནས་སྐྱེ་ཤི་ལས།། འཁོར་བའི་རྣམ་དག་བསྒྲལ་བར་སྨོན།། ལྷ་མིའི་ནང་ན་བཙུན་བཞུགས་པ།། བྱེ་བྲག་ཕྱེད་པར་བཤད་དུ་གསོལ།
88b2 དེ་ལ་གཟུངས་སུ་བཟུང་བ་དང་།། ཡི་གེར་བྲིས་ཤིང་ཀློག་འཆང་བ།། དེ་ཡི་བསོད་ནམས་ཇི་ཙམ་མཆིས།། བཅོམ་ལྡན་འདས་ཀྱིས་བཀའ་སྩལ་པ།། བྱེ་བྲག་ཕྱེད་པར་ངས་བཤད་ཀྱིས།། རྒྱལ་བུ
88b3 དགེ་མཐོང་ལེགས་པར་ཉོན། ། གང་ཞིག་རིན་ཆེན་སྣ་བདུན་གྱིས།། སྟོང་ཁམས་གང་བའི་སེམས་ཅན་ལ།། སྦྱིན་པ་བྱས་ཤིང་ཡོན་ཕུལ་ནས།། དེ་ཡི་སྟེང་དུ་ཆོས་བཤད་ཀྱིས།། དགྲ་བཅོམ་འབྲས་བུ
88b4 ཐོབ་བྱས་པས། ། ལ་ལ་ཞིག་གིས་རྒྱལ་བའི་མཚན།། ཐོས་ནས་དད་པའི་སེམས་བསྐྱེད་དེ།། སྐད་ཅིག་དུས་སུ་ཕྱག་བྱས་ན།། དེ་ཡི་བསོད་ནམས་དེ་བས་འདའ།། ཡི་གེར་བྲིས་ཤིང་ཀློག་འཆང་དང་།།
88b5 དད་པས་ཕྱག་འཚལ་སྨོས་ཅི་དགོས།། དེ་ཡི་བསོད་ནམས་དཔག་ཏུ་མེད།། གང་གིས་ཡི་གེར་བྲི་བ་དང་།། ཀློག་པ་དང་ནི་འདོན་པ་དང་།། དུས་སུ་ཕྱག་འཚལ་སེམས་བསྐྱེད་ན།། མཆོད་རྟེན་སྟོང་ཁམས།།
88b6 ཆུབ་པ་རུ།། བརྩིགས་པའི་བསོད་ནམས་པས་ནི་ཆེ།། དེ་ནས་འོད་བསྲུངས་ཆེན་པོ་དང་།། ཤཱ་རིའི་བུ་དང་ཀུན་དགའ་བོ།། མཆོད་རྟེན་སྲུང་བ་མཐུ་བོ་ཆེ།། ཚངས་ལྷ་རྣམས་དང་ལྷ་དབང་པོ།། འཁོར
88b7 ལོ་སྒྱུར་དང་རྒྱལ་ཆེན་བཞིས། ། བཅོམ་ལྡན་ཞབས་ལ་མགོས་བཏུད་ནས།། སྐད་འཐུན་པར་ནི་འདི་སྐད་གསོལ།། བཅོམ་ལྡན་མྱ་ངན་འདས་སླད་ན།། བདག་ཅག་རྣམས་ཀྱིས་སེམས་ཅན་ལ།། ཁྱབ
iiif viewer powered by OpenSeadragon
