| e-texts navigator |
| Wylie |
87a1 པར་བྱའོ། ། མཐའ་མེད་མུ་མེད་པའི་རྒྱ་མཚོའི་སྒོ་ནས་ལངས་ཏེ། ཡིད་འགོག་པ་དང་། ཞི་བའི་ཏིང་ངེ་འཛིན་ལ་འཇུག། ཡིད་འགོག་པ་དང་ཞི་བ་ལས་ལངས་ཏེ། རྡོ་རྗེ་གདོན་མི་ཟ།
87a2 པའི་རྣམ་པར་གྲོལ་བ་ཆེན་པོའི་ཏིང་ངེ་འཛིན་ལ་འཇུག་པར་བྱའོ།། འཇམ་དཔལ་ང་མྱ་ངན་ལས་འདས་པའི་འོག་ཏུ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་དད་པ་སྐད་ཅིག་མའི་སེམས་བསྐྱེད་དེ།
87a3 མདོ་སྡེ་འདི་ཡི་གེར་འདྲི་བ་འམ། ཀློག་པ་འམ། ཁ་ཏོན་དུ་སྐད་ཅིག་མར་དྲན་ཏེ། བསམ་པའི་འདུ་ཤེས་དང་། དྲན་པའི་འདུ་ཤེས་དང་། རྟོག་པའི་འདུ་ཤེས་སུ་དད་པའི་སེམས་གྲུབ་ན། སྐད་ཅིག་མར
87a4 བསྐལ་པ་བྱེ་བ་ཁྲག་ཁྲིག་འབུམ་ཕྲག་དགུ་བཅུའི་གངྒཱའི་བྱེ་མ་སྙེད་ཀྱི་འཁོར་བའི་སྡིག་ཕྱིར་སྙིལ་བར་འགྱུར་རོ། ། མ་རིག་པའི་སྒྲིབ་པའང་གཏན་བྲལ་བར་འགྱུར་རོ།། དེ་བས་ན་དེ་བཞིན་གཤེགས་པའི་རྟག
87a5 ཏུ་འཚེ་སྐྱོང་ཞིང་གཞེས་ཏེ། མྱ་ངན་ལས་མི་འདའ་བར་མངོན་ནོ།། དེ་ནས་བཅོམ་ལྡན་འདས་ཀྱིས།། འཁོར་མང་པོ་རྣམས་ལ་ཚིགས་སུ་བཅད་དེ་བཀའ་སྩལ་པ། ཡི་དགས་མཐུ་ཆེན་ཐམ་ཅ་དང་།། དུད་འགྲོ
87a6 གླང་པོ་མ་རུངས་དང་། ། བུད་མེད་གཡེང་དང་མ་རུངས་ཀླུ།། དཔག་ཏུ་མེད་པའི་མ་རུངས་རྣམས།། བ་སུ་དང་ནི་མ་སྐྱེས་དག། ལྷ་སྦྱིན་དང་ནི་སོར་མོའི་འཕྲེང་།། ལུས་དང་སེམས་ཀྱི་སྡིག་སྤྱད་པས།།
87a7 དམྱལ་བ་མནར་མེད་ལྷུང་འོས་ཀྱང་།། ཕྱོགས་བཅུ་དུས་གསུམ་རྒྱལ་བ་ལ།། དད་པ་བསྐྱེད་དེ་ཕྱག་འཚལ་ཕྱིར།། ཐུབ་པ་མྱ་ངན་འདའ་བའི་ཁར།། བསྐལ་པ་གྲངས་མེད་ཕྱིར་བཤོལ་ལོ།། མ་ག་དྷ
iiif viewer powered by OpenSeadragon
