| e-texts navigator |
| Wylie |
86b1 ཤེས་རབ་ལས་ལངས་ཏེ། སྟོང་པ་ཉིད་ཀྱི་མཚན་ཉིད་དུ་ཤེས་པའི་ཏིང་ངེ་འཛིན་ལ་འཇུག། སྟོང་པ་ཉིད་ཀྱི་མཚན་ཉིད་དུ་ཤེས་པ་ལས་ལངས་ཏེ། ཆེན་པོ་སྟོང་པ་ཉིད་ཀྱི་ཡེ་ཤེས་ཀྱི་ཏིང་ངེ་འཛིན་ལ་འཇུག། ཆེན།
86b2 པོ་སྟོང་པ་ཉིད་ཀྱི་ཡེ་ཤེས་ལས་ལངས་ཏེ། གནས་ཐམས་ཅད་དུ་ཁྱབ་པའི་ལུས་ཀྱི་གཟུགས་ཅན་གྱི་ཏིང་ངེ་འཛིན་ལ་འཇུག། གནས་ཐམས་ཅད་དུ་ཁྱབ་པའི་ལུས་གཟུགས་ཅན་ལས་ལངས་ཏེ། སེམས་ཀྱི
86b3 མཚན་ཉིད་ལ་རྣམ་པར་རྟོག་པའི་ཏིང་ངེ་འཛིན་ལ་འཇུག། སེམས་ཀྱི་མཚན་ཉིད་ལ་རྣམ་པར་རྟོག་པ་ལས་ལངས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་མཚན་ཉིད་ཀྱི་ཏིང་ངེ་འཛིན་ལ་འཇུག། བྱང་ཆུབ
86b4 སེམས་དཔའ་སེམས་དཔའ་ཆེན་པོ་རྡོ་རྗེའི་མཚན་ཉིད་ཀྱི་ཏིང་ངེ་འཛིན་ལས་ལངས་ཏེ། རྡོ་རྗེ་གཙུག་ཏོར་གྱི་ཏིང་ངེ་འཛིན་ལ་འཇུག། རྡོ་རྗེ་གཙུག་ཏོར་ལས་ལངས་ཏེ། རྒྱ་མཚོ་ཐམས་ཅད་ཀྱི་ཏིང་ངེ་འཛིན་ལ་འཇུག།
86b5 རྒྱ་མཚོ་ཐམས་ཅད་ལས་ལངས་ཏེ། གཟུངས་ཐམས་ཅད་ཀྱི་རྒྱ་མཚོའི་ཏིང་ངེ་འཛིན་ལ་འཇུག། གཟུངས་ཐམས་ཅད་ཀྱི་རྒྱ་མཚོ་ལས་ལངས་ཏེ། སངས་རྒྱས་ཐམས་ཅད་ཀྱི་སྤྱོད་ཡུལ་གྱི་རྒྱ་མཚོའི་ཏིང་ངེ
86b6 འཛིན་ལ་འཇུག། སངས་རྒྱས་ཐམས་ཅད་ཀྱི་སྤྱོད་ཡུལ་རྒྱ་མཚོ་ལས་ལངས་ཏེ། སངས་རྒྱས་ཐམས་ཅད་ཀྱི་རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པའི་རྒྱ་མཚོའི་ཏིང་ངེ་འཛིན་ལ་འཇུག
86b7 སངས་རྒྱས་ཐམས་ཅད་ཀྱི་རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་ལ་གཟིགས་པའི་རྒྱ་མཚོ་ལས་ལངས་ཏེ། གདོད་ཐམས་ཅད་ཀྱི་ཏིང་ངེ་འཛིན་མཐའ་མེད། མུ་མེད་པའི་རྒྱ་མཚོའི་སྒོར་འཇུག
iiif viewer powered by OpenSeadragon
