| e-texts navigator |
| Wylie |
85b1 བརྒྱད་བརྒྱའི་བར་དུ་ཉམས་སུ་མྱོང་བར་འགྱུར་རོ། ། དེ་ལ་ལྟུང་བ་རྣམས་ཀྱི་སྡིག་པ་ནི་དེ་ལས་ཉིས་འགྱུར་དུ་བསྐྱེད་དོ།། དགེ་འདུན་གྱི་ལྷག་མའང་དེ་ལས་ཉིས་འགྱུར་དུ་བསྐྱེད་དོ།། སྡིག་ཅན་དེ་དག།
85b2 གིས་སྡུག་བསྔལ་ཉམས་སུ་མྱོང་བའི་ཚེ། ཚིག་གཞན་མི་ཕྱིན་ཏེ། ཨ་པ་པ། ཨ་ཏ་ཏ། ཨ་ལ་ལ། ཨ་བ་བ་འབའ་ཞིག་ཟེར་ཞིང་འདུག་གོ། དེ་བས་ན་སྡོག་ཅན་རྣམས་རིངས་པར་སོ་སོར
85b3 འཐོལ་ཞིང་བཤགས་ལ། དཀོན་མཆོག་གསུམ་གྱི་སྐྱབས་སུ་སོང་བར་གྱིས་ཤིག། འཇམ་དཔལ་ཡང་འདི་ལྟ་སྟེ། སྡིག་པ་མྱུར་དུ་བསལ་ཅིང་བྱང་བར་འདོན་ན། མདོ་སྡེ་འདིའི་ནང་ནས
85b4 འབྱུང་བ་བཞིན་དུ་སོ་སོར་འཐོལ་བཤགས་ཏེ། འགྱེད་ཚངས་བྱོས་ཤིག། ཆོ་ག་ཉིན་ཞག་བདུན་གྱི་བར་དུ་ཉིན་གཅིག་ཟ་གཅིག་ཏུ་བྱས་ལ། ཡང་དག་པའི་རྟོག་པ་དང་། ཡང་དག་པའི་དྲན
85b5 པས་དེ་བཞིན་གཤེགས་པ་སངས་རྒྱས་སུ་གྲུབ་པའི་ཚེ། མི་ཆེན་པོའི་མཚན་དང་། མངོན་པར་འཚང་རྒྱ་བའི་མཚན་དང་། མི་གཡོ་བའི་མཚན་དང་། རྣམ་པར་གྲོལ་བའི་མཚན་དང་། འོད་ཟེར
85b6 ཅན་གྱི་མཚན་དང་། ཡེ་ཤེས་ཡོངས་སུ་རྒྱས་པའི་མཚན་དང་། ཕ་རོལ་ཏུ་ཕྱིན་པ་རྣམས་དང་ལྡན་པའི་མཚན་དང་། དཔའ་བར་འགྲོ་བ་ལ་སོགས་པའི་ཏིང་ངེ་འཛིན་རྒྱ་མཚོའི་མཚན་རྣམས
85b7 བསམ་པར་བྱའོ། ། ཡང་གཅིག་ཏུ་ན། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་ཡིད་དམ་པའི་ཏིང་ངེ་འཛིན་ལས་ལངས་ཏེ། ཡིད་འགོག་པའི་ཏིང་ངེ་འཛིན་ལ་འཇུག་པར་བྱའོ།།
iiif viewer powered by OpenSeadragon
