| e-texts navigator |
| Wylie |
85a1 སྡུག་བསྔལ་མི་བཟད་པ་ཆེན་པོ་ཉམས་སུ་མྱོང་བ་ནི་གོང་དུ་བསྟན་པ་བཞིན་ནོ།། ནམ་ཞིག་མནར་མེད་པའི་དམྱལ་བ་ནས་སླར་ཕྱིན་ནའང་ཚུལ་ཁྲིམས་བཤིག་པ་དང་། ཡོན་བདག་དད
85a2 པ་ཅན་གྱི་ཡོན་བླངས་པའི་ལས་ཀྱིས། ཡང་དམྱལ་བ་ཆུང་ངུ་རྣམས་ཀྱི་ནང་དུ་འཇུག་སྟེ། དེ་ལ་དམྱལ་བ་གྲང་སྦྲེབས་པ་དང་། དམྱལ་བ་མུན་ནག་པ་དང་། དམྱལ་བ་རབ་ཚ་བ་དང་། དམྱལ་བ་སྤུ་གྲི་སོ
85a3 བསྣམས་པ་དང་། དམྱལ་བ་རལ་གྲི་འཁོར་ལོ་དང་། དམྱལ་བ་མེའི་ཤིང་རྟ་ཅན་དང་། དམྱལ་བ་ཕྱི་སའི་འདམ་དང་། དམྱལ་བ་ཆུ་ཚན་དང་། དམྱལ་བ་མེ་མུར་ཀླུང་དང་། དམྱལ་བ་ནགས་ཚལ་རལ་གྲི
85a4 ལོ་མ་ཅན་དང་། དམྱལ་བ་ལྕགས་ཀྱི་འཁྲུལ་འཁོར་ཅན་དང་། དམྱལ་བ་ལྕགས་ཀྱི་ཤལ་མ་ལི་ཀ་བ་ཅན་དང་། དམྱལ་བ་ལྕགས་ཀྱི་ཁྲི་ཅན་དང་། དམྱལ་བ་ལྕགས་ཀྱི་འཁོར་ལོ་ཅན་དང་། དམྱལ་བ
85a5 ལྕགས་ཀྱི་ཐུ་ལུམ་དང་། དམྱལ་བ་བསྡུས་འཇོམས་ཐུག་རི་དང་། དམྱལ་བ་ཟངས་ཁུ་ལུད་དང་། འདི་རྣམས་སོ་སོ་རེ་རེའི་ནང་དུའང་ལོ་ཁྲི་ཕྲག་བརྒྱད་བརྒྱའི་བར་དུ་ཉོན་མོངས་ནས་གདོད་ཐར་ཏེ། འོན་ཀྱང
85a6 རྟག་ཏུ་མ་རབས་སུ་སྐྱེས་ལ། ཚེ་རབས་ལྔ་བརྒྱའི་བར་དུ་དཀོན་མཆོག་གསུམ་གྱི་སྒྲ་མི་ཐོས་སོ།། བརྒྱ་ལ་དགེ་བའི་བཤེས་གཉེན་དང་ཕྲད་པ་ན་ནི། བྱང་ཆུབ་ཏུ་སེམས་བསྐྱེད་ཀྱང་སྲིད། དགེ་བའི་བཤེས
85a7 དང་མ་ཕྲད་ན་ནི། སླར་ཡང་དམྱལ་བར་ལྷུང་ངོ་།། ཉེས་བྱས་ཀྱི་སྡིག་པ་རྣམས་མ་མཐོལ་མ་བཤགས་ན། དམྱལ་བར་སྡུག་བསྔལ་མྱོང་བའང་རྒྱལ་ཆེན་རིས་བཞིའི་ལྷའི་ལོ་གྲངས་ལྟ་བུར། ལོ་ཁྲི་ཕྲག
iiif viewer powered by OpenSeadragon
