| e-texts navigator |
| Wylie |
83b1 འོག་ཏུ་བར་ཆད་བཅོ་བརྒྱད་ཡོད་དོ།། དེའི་ཁོ་ར་ཁོར་ཡུག་ཏུ་རལ་གྲིའི་ཚལ་རིམ་པ་བདུན་གྱིས་བསྐོར་ཏོ།། ལྕགས་ཀྱི་དྲ་བ་རིམ་པ་བདུན་གྱི་ནང་ལོགས་སུ་ནགས་ཚལ་རལ་གྲིའི་ལོ་མ་ཅན་ཡོད་དོ།། ལྕགས
83b2 ཀྱི་ཁང་པ་བར་ཆད་བཅོ་བརྒྱད་པོ་རྩེག་མར་འདུག་སྟེ། རིམ་པ་བརྒྱད་ཁྲི་བཞི་སྟོང་ཡོད་དོ།། དེའི་གྲཝ་བཞིར་ཟངས་ཀྱི་ཁྱི་ཆེན་པོ་བཞི་འདུག་པ། ལུས་ཀྱི་བོང་ཚད་ནི་འཕང་དུ་དཔག་ཚད་བཞི་བཅུ་ལ། མིག་ནི
83b3 གློག་གི་འོད་བཞིན། མཆེ་བ་ནི་རལ་གྲི་སྡོང་པོ་དང་འདྲ། སོ་ནི་སྤུ་གྲི་སོ་གཏམས་པའི་རི་དང་མཚུངས། ལྕེ་ནི་ལྕགས་ཀྱི་མཆིལ་པ་བཞིན། སྡེར་མོ་ནི་ལྕགས་ཀྱི་གསལ་ཤིང་དང་འཚུངས། མཇུག་མ་ནི
83b4 ལྕགས་ཀྱི་སྤྲུལ་དང་འདྲ། སྤུའི་བུ་གུ་རེ་རེ་ནས་འབར་བའི་མེ་ཤིན་ཏུ་མཆེད་ཅིང་ཀུན་ཏུ་འབར། རབ་ཏུ་འབར་བ་འབྱུང་སྟེ། དེའི་དུད་པ་མནམ་པ་ནི། འཇིག་རྟེན་གྱི་རྫས་མནམ་པ་གང་དང་ཡང་བསྐྲུན་དུ
83b5 མེད་དོ། ། དམྱལ་བ་དེའི་སྒོ་བཞི་ལ། སྒོ་རེ་རེ་ན་དམྱལ་བའི་སྲུངས་མ་བཅོ་བརྒྱད་འདུག་གོ།། མགོ་ནི་སྲིན་པོའི་མགོ། ཁ་ནི་སྲིན་པོའི་ཁ་དང་འདྲ་སྟེ། མགོ་ལ་རཱ་བཅོ་བརྒྱད་ཡོད་པ། ལག་ན་ལྐུགས
83b6 ཀྱི་གསལ་ཤིང་ཐོགས་སོ། ། ར་བ་རིམ་པ་བདུན་གྱི་ནང་ལོགས་སུ་ལྕགས་ཀྱི་རྒྱལ་མཚན་གྲངས་མེད་པ་ཞིག་ཡོད་དེ། རྒྱལ་མཚན་གྱི་མགོར་མེ་འབྱུང་བ་ནི། ཆུ་མིག་འབྱུང་བ་དང་འདྲ་བར་འབྱུང་ངོ་།།
83b7 ལྕགས་འཇུ་བའི་ཁུ་བ་འབབ་པ་ནི། ཀུན་ཏུ་ཁྱབ་པར་འབབ་སྟེ། དམྱལ་བའི་སྒོ་བཞིར་སྒོ་རེ་རེའི་སྟེང་ན། ཟངས་མོ་ཆེ་བཅོ་བརྒྱད་ཡོད་པའི་ནང་ན། ལྕགས་ཁོལ་བའི་ཁུ་བ་ཁར་ལྡུད་ཅིང་། སྒོ་བཞིར
iiif viewer powered by OpenSeadragon
