| e-texts navigator |
| Wylie |
82b1 བརྩོན་འགྲུས་སུ་སྤྱོད་དོ། ། ད་ནི་བདག་ཐེག་པ་ཆེན་པོའི་མདོ་སྡེ་ཀློག་པ་དང་། ཁ་ཏོན་བགྱིའོ་ཞེས་དེའི་ཚེ་དེའི་དུས་ན་དྲན་པ་དེ་ལྟར་གྱིས་ཤིག། བདག་དེང་ནས་སྡོམ་པ་བཟུང་བ་ནི་རྡོ་རྗེ་དང་འདྲ་བར་སྲན།
82b2 ཐུབ་པར་སྨོན་ཏོ།། དེས་དེ་ལྟར་དྲན་པའི་ཚེ། སྐྱེས་བུ་དམ་པ་དྲི་མ་མེད་པར་གྲགས་པའང་བྱང་ཆུབ་སེམས་དཔའ་དཔག་ཏུ་མེད་པ་དང་ལྷན་ཅིག་ཏུ་དེའི་མདུན་དུ་འགྲེང་སྟེ། དབང་དུ་བྱེད་དོ།། འཕགས་པ་ཀུན་ཏུ
82b3 བཟང་པོའང་འགྱོད་ཚངས་ཀྱི་མཁན་པོ་བྱེད་དོ། ། འཕགས་པ་འོད་སྲུངས་ཀྱང་ཞུ་གནས་ཀྱི་རྟེན་བྱེད་དོ།། འཇམ་དཔལ་འདི་ནི་སྡིག་སྦྱངས་པ་ཞེས་བྱའོ།། འདི་ནི་རྣམ་པར་གྲོལ་བ་ཞེས་བྱའོ།། འདི་ནི་ཚུལ
82b4 ཁྲིམས་དང་ལྡན་པ་ཞེས་བྱའོ། ། འདི་ནི་གནས་ཐོབ་པ་ཞེས་བྱའོ།། བཅོམ་ལྡན་འདས་ཀྱིས་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ལ་འདི་སྐད་ཅེས་བཀའ་སྩལ་ཏོ།། གང་ལ
82b5 ལ་ཞིག་གིས་རྩ་བ་བཞི་དང་། སྡོམ་པ་བརྒྱད་དང་། སྡོམ་པ་ཕྱེད་ཅན་དང་། ཚུལ་ཁྲིམས་བཅུ་དང་། གསུམ་ལ་སྐྱབས་སུ་སོང་བ་དང་། ཁྲིམས་ལྔ་དང་། དགེ་བ་བཅུ་དང་། ཚུལ་ཁྲིམས་དང་། འདུལ
82b6 བ་རེ་རེ་ནས་ཞིག་པའམ། ཉམས་པ་འམ། མཚམས་མེད་པ་ལྔ་བྱས་པ་འམ། མཉམ་པ་ཉིད་ལ་སྐུར་པའི་སྡིག་བྱས་པ་ཞིག་ཡོད་པ་དེ་ལོག་སྤྱོད་མ་གཏོགས་པར། སོ་སོར་མ་བཤགས་མ་འཐོལ་ན།
82b7 མི་དེ་ཚེ་འཕོས་མ་ཐག་ཏུ་གདོན་མི་ཟ་བར་མནར་མེད་པའི་སེམས་ཅན་དམྱལ་བར་ལྷུང་བར་འགྱུར་རོ།། འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་སླད་དུ། མནར་མ་མཆིས་པའི་དམྱལ་བ་ཞེས
iiif viewer powered by OpenSeadragon
