| e-texts navigator |
| Wylie |
81a1 དེ་བཞིན་གཤེགས་པ་ལ་སེམས་རྩེ་གཅིག་ཏུ་བསམ་མོ།། དེ་ལྟར་སྤྱོད་པ་རྣམས་འཐུན་ཞིང་འདུམ་པ་ནི་མཆོག་སྟེ། དེ་ལ་མི་མཐུན་ཞིང་རྩོད་པ་ནི་འཐོལ་ཚང་སུ་མི་འགྱུར་རོ།།
81a2 ཁྲོ་བ་དེས་ཀུན་འཇིགས་པར་བྱེད་དེ། སྤྱོད་ལམ་དང་ཡང་འགལ་བར་འགྱུར་རོ།། ཐེག་པ་ཆེན་པོ་དྲན་ཞིང་དོན་དམ་པ་བསམས་ལ། ཉིན་མཚན་བདུན་གྱི་བར་དུ་ཉལ་ཞིང་གཉིད་ལོག་ཏུ་མི་རུང་ངོ་།། ཉིན
81a3 གཅིག་ཀྱང་དུས་གསུམ་དུ་མདོ་སྡེ་འདི་ཁ་ཏེན་ཏམ། ཀློག་པ་ཉིན་མཚན་དུས་དྲུག་ཏུ་བྱས་ལ། དྲི་བསུང་གིས་མཆོད་ཅིང་ཕྱག་འཚལ་ནས། འཐོལ་ཚངས་སུ་བྱས་ཏེ། མདོ་སྡེ་འདི་ཉིད་ནས། སངས་རྒྱས
81a4 དང་། བྱང་ཆུབ་སེམས་དཔའ་དང་། མདོ་སྡེ་བཅུ་གཉིས་ཀྱི་མཚན་བརྗོད་ཅིང་། སེམས་ཐག་པ་ནས་མི་འཁྲུག་པ་དང་། སེམས་ཐག་པ་ནས་མི་ནོར་བ་དང་། སེམས་ཐག་པ་ནས་མི་གཡེང་བ་དང་།
81a5 སེམས་ཐག་པ་ནས་དུས་ཀྱིས་འགྲུས་པ་དང་། སེམས་ཐག་པ་ནས་ཉིན་གཅིག་པས་ཉིན་གཅིག་འགྲུས་པ་དང་། སེམས་ཐག་པ་ནས་དད་པ་བསྐྱེད་པ་དང་། སེམས་ཐག་པ་ནས་དགའ་བ་སྐྱེད་པ་དང་།
81a6 སེམས་ཐག་པ་ནས་རིམ་པ་བསྐྱེད་པ་དང་། སེམས་ཐག་པ་ནས་རྒྱུན་མི་གཅད་པ་དང་། སེམས་ཐག་པ་ནས་གཟའ་བ་དང་། སེམས་ཐག་པ་ནས་མི་འབྲལ་བ་དང་། སེམས་ཐག་པ་ནས་སྡིག་པ་མི་བསམ་པ་དང་། སེམས
81a7 ཐག་པ་ནས་སང་རྒྱས་དྲན་པ་དང་། སེམ་ཐག་པ་ནས་ཆོས་དྲན་པ་དང་། སེམས་ཐག་པ་ནས་དགེ་འདུན་དྲན་པ་དང་། སེམས་ཐག་པ་ནས་ཚུལ་ཁྲིམས་དྲན་པ་དང་། སེམས་ཐག་པ་ནས་གཏོང་བ་དྲན་པ་དང་།
iiif viewer powered by OpenSeadragon
