| e-texts navigator |
| Wylie |
80b1 འཁྲུལ་པས་སེམས་འཁྲུགས་ཏེ། མི་དགེ་བ་དང་། མཚམས་མ་མཆིས་པ་བགྱིས་པ་རྣམས་ཇི་ལྟར་བགྱིས་ན་སྡིག་འབྱང་བར་འགྱུར་ཞེས་གསོལ་པ་དང་། བཅོམ་ལྡན་འདས་ཀྱིས། འཇམ་དཔལ་ལ་བཀའ
80b2 སྩལ་པ། གོང་དུ་བསྟན་པ་ཡིན་ཏེ། གང་ལ་ལས་ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་དང་། ཕྱོགས་བཅུ་དུས་གསུམ་གྱི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའ
80b3 རྣམས་ཀྱི་མཚན་ཐོས་ནས། དགའ་བ་དང་། རབ་ཏུ་དགའ་བ་བསྐྱེད་ལ། དད་པ་དང་གུས་པ་དཔག་ཏུ་མེད་པས་བླངས་སམ། འཆང་ངམ། ཀློག་གམ། འདོན་ཏམ། ཡི་གེར་བྲིས་སམ། ཀུན་ཆུབ
80b4 པར་བྱས་ཏེ། དབེན་པའི་གནས་ཁང་པ་གཅིག་གི་ནང་དུ་དཀྱིལ་འཁོར་བྱས་ལ། དྲི་ཆུས་ཆག་ཆག་བཏབ་སྟེ། འཕན་གདུགས་བཟང་པོས་བརྒྱན་ཅིང་པོག་སྤོས་ཞིམ་པོ་བསྲེགས་ནས། རྒྱལ་བ་རྣམས
80b5 སྤྱན་དྲང་ཞིང་གཤེགས་སུ་གསོལ་བ་མང་ཡང་རུང་། ཉུང་ཡང་རུང་། སྤྱན་དྲངས་ནས། བདག་ཁྲུས་དག་པར་བྱས་ལ་གོས་གཙང་མ་གྱོན་ཅིང་། ལན་ཅིག་ཕྱི་རོལ་ཆེ་ཆུང་དུ་འགྲོ་ན། ཁྲུས་ལན་ཅིག་བྱས
80b6 ཏེ། སེང་གེའི་ཁྲི་བཙུགས་ནས། ཆོས་ཀྱི་རྣམ་གྲངས་འདི་ཡུན་རིང་དུ་བསྒོམས་ལ། ཆོས་ཀྱི་མཚན་ཉིད་ལ་བདག་དང་། གང་ཟག་དང་། སེམས་ཅན་ལ་སོགས་པའི་ལྟ་བ་མེད་པར་མངོན་པར་རྟོགས
80b7 པར་བྱས་ཏེ། དང་པོ་པས་བྱེ་བྲག་ཕྱེད་ཅིང་གསལ་བར་བརྗོད་པར་བྱའོ།། དེ་ནས་དྲི་སྤོས་ཞིམ་པོ་བསྲེགས་ལ། འཁྲུགས་སེམས་བསལ་ཅིང་། དྲན་པ་ཡང་དག་པ་དང་། བསམ་པ་ཡང་དག་པས།
iiif viewer powered by OpenSeadragon
