| e-texts navigator |
| Wylie |
141b1 མདོག་དང་། བརྩོན་འགྲུས་དང་ལྡན་པར་ཡང་འགྱུར་རོ།། དམ་ཐམས་ཅད་ཀྱང་ངོར་དབང་དུ་འགྱུར་རོ།། གཟུངས་འདི་བཤད་པ་ན། ཐོག་ཆགས་དྲག་ཁྲིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ནས།
141b2 དེ་དག་ཐམས་ཅད་ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་ཞིང་བསམ་པ་ཐམས་ཅད་ཡོངས་སུ་རྫོགས་པར་གྱུར་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ
141b3 ཕྱོགས་བཅུར་རྣམ་པར་བལྟས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་དམ་འཆའ་བ། མི་འཇིགས་པའི་གཟི་བརྗིད་ཅེས་བརྒྱ
141b4 བའི་གཟུངས་མཆིས་ཏེ། བདག་གིས་དེ་བཞིན་གཤེགས་པ་འཇིགས་མེད་བཀོད་པ་གཟི་བརྗིད་རྒྱལ་པོའི་སྤྱན་སྔར་དེར་གཟུང་ལགས་སོ།། བཟུང་ནས་ཀྱང་སེམས་ཅན་ཐམས་ཅད་ལ་བཤད
141b5 ལགས་སོ། ། བཅོམ་ལྡན་འདས་དེ་སླན་ཆད་བདག་གིས་མངོན་པར་འཚལ་ཏེ། གང་གི་རྣ་ལམ་དུ་གཟུངས་དེ་ཟག་པར་གྱུར་ཏམ། གློ་བར་ཆུད་པར་གྱུར་པ་དེའི་ལུས་ལ་ཉམ་ཆུང་བ་འམ། ཉོན་མོངས
141b6 པ་སྣ་ཚོགས་སམ། བྲོ་ནད་དམ། རིམས་སམ། ལུས་བྲོ་འཚལ་བ་འམ། སེམས་གདུང་བ་འམ། དུས་མ་ལགས་པར་འགུམ་པ་འམ། ཆབ་ཀྱིས་འཇིགས་པ་འམ། མཚོན་གྱིས་འཇིགས
141b7 པའམ། དུག་གིས་འཇིགས་པ་འམ། དུག་སྦྱར་མས་འཇིགས་པ་འམ། མཁའ་འགྲོ་མ་དང་འབྱུང་པོས་འཇིགས་པ་འམ། གནོད་སྦྱིན་ནམ། དགྲ་རྣམས་སམ། མི་དང་མི་མ་ལགས
iiif viewer powered by OpenSeadragon
