| e-texts navigator |
| Wylie |
141a1 སུམ་ཁྲིས་གསུངས་ཤིང་བྱིན་གྱིས་བརླབས་པ་ཡིན་ནོ། ། ངས་ཀྱང་ད་ལྟར་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། བསྲུང་བ་དང་། བསྐྱབ་པ་དང་།
141a2 སྦ་བ་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། སངས་རྒྱས་ཀྱི་ཞིང་དུ་སྐྱེ་བར་བྱ་བའི་ཕྱིར་བཤད་དེ། གྲོགས་པོ་དག་གང་ལ་ལ་ཞིག་འདི་སྙམ་དུ་བདག་གིས་ཇི་ལྟར་ན། དེ་བཞིན་གཤེགས་པས
141a3 གསུངས་པའི་ཡོན་ཏན་དེ་དག་ཐམས་ཅད་འཐོབ་པར་འགྱུར་སྙམ་དུ་སེམས་པ་དེས། ནང་པར་སྔར་ལངས་ཏེ། སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་། སྙིང་རྗེ་བའི་སེམས་དང་།
141a4 བྱམས་པའི་སེམས་དང་། ཕྲག་དོག་དང་། ང་རྒྱལ་དང་། འཆབ་པ་དང་། ཁྲོ་བ་ཡོངས་སུ་སྤངས་པའི་སེམས་དང་། རྩེ་གཅིག་པའི་སེམས་ཀྱིས་སངས་རྒྱས་དང་། བྱང་ཆུབ་སེམས་དཔའ་རྣམས
141a5 ལ་མཆོད་པ་ཤིན་ཏུ་རྒྱ་ཆེར་བྱས་ལ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ། གང་འདོད་པ་ཡིད་ལ་བྱས་ནས། མེ་ཏོག་ལ་བཟླས་བརྗོད་ལན་བརྒྱ་རྩ་བརྒྱད་བྱ་ཞིང་དེ་བཞིན
141a6 གཤེགས་པ་ལ་རེ་རེ་ནས་དབུལ་བར་བྱའོ། ། དེ་ནས་དེའི་རེ་བ་ཐམས་ཅད་ཡང་དག་པར་འགྲུབ་པར་འགྱུར་རོ།། རྨི་ལམ་ན་དེ་བཞིན་གཤེགས་པ་མཐོང་བར་ཡང་འགྱུར་རོ།། དམ་པ་གང་འདོད་པ་དེ
141a7 ཐོབ་པར་འགྱུར་རོ། ། འཆི་བའི་ཚེ་ན་དེ་བཞིན་གཤེགས་པ་མཐོང་བར་ཡང་འགྱུར་རོ།། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། ཚེ་དང་། སྟོབས་དང་།
iiif viewer powered by OpenSeadragon
