| e-texts navigator |
| Wylie |
139b1 པས། དེ་དག་གིས་ནི་སངས་རྒྱས་ཀྱི་བྱང་ཆུབ་ལ་ཐེ་ཙོམ་བསྐྱེད་པར་མི་བྱའོ།། གང་དག་གི་རྣ་ལམ་དུ་གྲག་པར་གྱུར་པ་དེ་དག་ཀྱང་། བྱང་ཆུབ་སེམས་དཔའ་ཡིན་པར་ཡིད་ལ་བྱས་ལ། བསྙེན་བཀུར་བྱའོ།།
139b2 དེའི་སྔོན་གྱི་ལས་ཀྱི་རྣམ་པར་སྨིན་པས་གཟུགས་མི་མཛེས་པ་དང་། ལོངས་སྤྱོད་མེད་པ་དང་། བློ་མེད་པ་དང་། སྲེད་པ་ཆེ་བ་དང་། སྡུག་པ་དང་བྲལ་བ་དང་། རྒྱལ་སྲིད་འཁྲུགས་པར་གྱུར་པ་གང
139b3 ཡིན་པ་དེ་དག་དང་། ཀླད་པ་ན་བ་གང་ཡིན་པ་དང་། ཟན་ཆད་པ་གང་ཡིན་པ་དང་། གོས་ངན་པར་གྱུར་པ་གང་ཡིན་པ་དང་། ལུས་དང་སེམས་ལ་གནོད་པ་གང་ཡིན་པ་དང་། རེག་ན་མི་བདེ་བའི་མལ
139b4 བཅས་པ་གང་ཡིན་པ་དང་། སྤྱོ་བ་གང་ཡིན་པའི་ལས་ཀྱི་སྒྲིབ་པ་དེ་དག་ཐམས་ཅད་ཀྱང་། ཏིང་ངེ་འཛིན་འདི་ཐོས་པའི་མཐུས་ཡོངས་སུ་ཟད་པར་འགྱུར་རོ།། དེས་ཀྱང་འདི་ལྟར་སེམས་བསྐྱེད་པར
139b5 བྱ་སྟེ། བདག་གིས་སྔོན་འཁོར་བ་ན་འཁོར་བའི་ཚེ། སེམས་ཅན་རྣམས་ལ་སྡིག་པ་མི་དགེ་བ་རྣམ་པ་སྣ་ཚོགས་བསགས་པ་དེ་དག་སོ་སོར་བཤགས་པར་བྱའོ།། བསལ་བར་བྱའོ།། མི་བཅབ་པར
139b6 བྱའོ། ། སངས་རྒྱས་དང་། ཆོས་དང་། དགེ་འདུན་ལ་དད་པ་མི་ཕྱེད་པ་དང་ལྡན་པའི་སེམས་བསྐྱེད་པར་བྱ་སྟེ། རིག་ཀྱི་བུ་འམ། རིགས་ཀྱི་བུ་མོ་དེའི་ལོངས་སྤྱོད་ཀྱི་འབྲས་བུ་མེད་པར་འགྱུར་བའི
139b7 ལས་ཀྱི་སྒྲིབ་པ་དང་། སངས་རྒྱས་དང་། ཆོས་དང་། དགེ་འདུན་དང་། ཉན་ཐོས་དང་། རང་སངས་རྒྱས་དང་། ཕ་མ་དག་ལ་སྡིག་པའི་ལས་བྱས་ཤིང་བསགས་པར་གྱུར་པ་གང་ཡིན་པ་དེ་དག
iiif viewer powered by OpenSeadragon
