| e-texts navigator |
| Wylie |
139a1 བརྟན་པ་དང་ལྡན་པ་དང་། རྒྱལ་པོ་ཐམས་ཅད་དང་། རྒྱལ་པོའི་བཙུན་མོ་ཐམས་ཅད་དང་། རྒྱལ་བུ་ཐམས་ཅད་དང་། བློན་པོ་ཐམས་ཅད་དང་། དགྲ་ཐམས་ཅད་དང་།
139a2 སེམས་ཅན་ཐམས་ཅད་ཀྱིས་མངོན་པར་བསྟོད་པར་འོས་པ་དང་། ཕྱག་བྱ་བར་འོས་པ་དང་། བསྙེན་བཀུར་བྱ་བར་འོས་པར་ཡང་འགྱུར་རོ།། ནོར་དང་ཡོ་བྱད་མང་པོར་ཡང་འགྱུར་རོ།། དེ་དག་གི་ཁ
139a3 ནས་ཙན་དན་གྱི་དྲིའི་ངད་འབྱུང་བར་ཡང་འགྱུར་རོ། ། མིག་ཨུཏྤ་ལ་སྔོན་པོའི་འདབ་མ་འདྲ་བར་ཡང་འགྱུར་རོ།། དེ་དག་གིས་ཉིན་མཚན་དུ་སངས་རྒྱས་དང་། བྱང་ཆུབ་སེམས་དཔའ་དག་མཐོང་བར་ཡང
139a4 འགྱུར་རོ། ། མཚམས་མེད་པ་ལྔ་ལ་སོགས་པ་བྱས་པའི་སྒྲིབ་པ་ཐམས་ཅད་ཟད་པར་ཡང་འགྱུར་རོ།། དེ་དག་ལ་ལྷ་རྣམས་སྲུང་བར་ཡང་འགྱུར་རོ།། དེ་དག་འཆི་བའི་དུས་ན་སངས་རྒྱས་དང་། བྱང
139a5 ཆུབ་སེམས་དཔའ་དག་མཐོང་བར་ཡང་འགྱུར་རོ། ། ཕྲག་དོག་མེད་པ་དང་། སེམས་རྣམ་པར་གཡེངས་པ་མེད་པར་འཆི་བའི་དུས་བྱེད་པར་ཡང་འགྱུར་རོ།། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ
139a6 ཅན་དུ་སྐྱེ་བའི་བར་དུ་འགྱུར་རོ། ། རིགས་ཀྱི་བུ་གང་དག་ཆོས་ཀྱི་རྣམ་གྲངས་འདི་འཛིན་པ་དང་། བསྙེན་བཀུར་བྱས་ཏེ། ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཀློག་པ་དང་། མཆོད་པར
139a7 བྱེད་པ་དང་། འང་བ་དང་། མིང་ཙམ་ཐོས་པར་གྱུར་པ་དེ་དག་ནི་ངས་མངོན་སུམ་དུ་ལུང་བསྟན་པས་ལུང་བསྟན་པ་ཡིན་ཏེ། དེ་དག་གིས་མཐོང་ཤིང་བསྙེན་དབཀུར་བྱས་མོར་བྱས།། མཆོད་པར་བྱས་པའང་ཡིན
iiif viewer powered by OpenSeadragon
