| e-texts navigator |
| Wylie |
138b1 དང་། འབྲུ་དང་། མཛོད་དང་། བང་བ་རྣམས་འབྱོར་པ་དང་། རྒྱལ་པོ་དང་། རྒྱལ་བུ་དང་། བློན་པོ་རྣམས་ཀྱིས་མངོན་པར་བསྟོད་པར་འོས་པ་དང་། སེམས་ཅན་ཐམས་ཅད་ཀྱིས་ཕྱག་བྱ་བར་འོས
138b2 པ་དང་། དྲན་པ་དང་ལྡན་པ་དང་། ཤེས་རབ་དང་ལྡན་པ་དང་། སངས་རྒྱས་དང་། ཆོས་དང་། དགེ་འདུན་ལ་དད་པ་མི་ཕྱེད་པ་དང་ལྡན་པ་དང་། རྫུ་འཕྲུལ་དང་ལྡན་པ་དང་། ཚེ་དང་། ཁ་དོག་དང་།
138b3 གཟི་བརྗིད་དང་། མཐུ་སྟོབས་དང་ལྡན་ཞིང་རྣམ་པ་ཐམས་ཅད་ཀྱི་མཆོག་དང་ལྡན་པར་གྱུར་ཏེ། ནམ་ཡང་སྡུག་པ་དང་བྲལ་བར་མ་གྱུར་ཅིང་། སྡུག་པའི་སྡུག་བསྔལ་མེད་པར་གྱུར་པ་དེ་དྲན་ཏེ། རིགས་ཀྱི
138b4 བུ་དེ་ལྟར་ན། རིགས་ཀྱི་བུ་འམ། རིགས་ཀྱི་བུ་མོ་གང་དག་ཆོས་སྨྲ་བ་དེ་ལ་མཆོག་ཏུ་གུས་པའི་སེམས་བསྐྱེད་དེ། ཆོས་ཀྱི་རྣམ་གྲངས་འདི་ལ་ཡན་ལག་ལྔས་ཕྱག་བྱས་ཤིང་། མེ་ཏོག་དང་། བདུག་སྤོས་དང་།
138b5 སྤོས་དང་། མེ་ཏོག་འཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དག་གིས་ལེགས་པར་བརྒྱན་ནས། སངས་རྒྱས་ལ་ཕྱག་འཚལ་ལོ་ཞེས་བརྗོད་ཅིང་ཕྱག་འཚལ་བར་བྱེད
138b6 པ་དང་། ལེགས་སོ་ཞེས་བྱ་བ་སྦྱིན་པར་བྱེད་པ་དང་། འཛིན་པ་དང་། འཆང་བ་དང་། ཀློག་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དེ་དག་ནི་ཡོན་ཏན་མང་པོ་དང་ལྡན་པར་འགྱུར་རོ།། དེ་དག་ནི་ཚེ་འདི་ཉིད་ལའང་ཡོན
138b7 ཏན་མང་པོ་དང་ལྡན་པར་འགྱུར་ཏེ། གཟུགས་བཟང་ཞིང་མཛེས་ལ། བལྟ་ན་སྡུག་པ་དང་། ནད་རྣམས་དང་བྲལ་བ་དང་། ཚེ་རིང་བ་དང་། བློ་བརྟན་པ་དང་། དྲན་པ་དང་ལྡན་པ་དང
iiif viewer powered by OpenSeadragon
