| e-texts navigator |
| Wylie |
138a1 ངས་སྔོན་དང་པོ་སེམས་བསྐྱེད་པ་ནས་བཟུང་སྟེ། དེ་བཞིན་གཤེགས་པ་མེ་ཏོག་སྣང་བ་ཀུན་ཏུ་སྟོན་པ་ཞེས་བྱ་བའི་སྤྱན་སྔར་དེ་ཐོས་སོ།། རིགས་ཀྱི་བུ་ཏིང་ངེ་འཛིན་དེའི
138a2 མིང་ཐོས་མ་ཐག་ཏུ་སེམས་ཅན་བྱེ་བ་ཕྲག་དགུ་བཅུས་དེ་བཞིན་གཤེགས་པའི་ཡེ་ཤེས་ཐོབ་པར་གྱུར་ནས་ཐམས་ཅད་ཀྱང་དེ་བཞིན་གཤེགས་པས་སངས་རྒྱས་ཀྱི་ཞིང་ཐ་དད་པ་དག་ཏུ་ལུང་བསྟན་ཏེ། ངས་ཀྱང
138a3 ལུང་བསྟན་པ་ཐོབ་བོ། ། རིགས་ཀྱི་བུ་ངས་དེ་བཞིན་གཤེགས་པའི་ལྷའི་མཁྱེན་པས་སྔོན་དེ་བཞིན་གཤེགས་པ་སུམ་ཁྲིས་སེམས་ཅན་ཐམས་ཅད་ཀྱི་དོན་དུ་ཆོས་ཀྱི་རྣམ་གྲངས་འདི་བཤད་དེ། ཐམས་ཅད
138a4 དུ་ཡང་དེ་བཞིན་གཤེགས་པ་ལ་གསོལ་བ་འདེབས་པ་ནི། འཕགས་པ་སྤྱན་རས་གཟིགས་དབང་ཕྱུག་ཁྱོད་ཉིད་དང་། འཇམ་དཔལ་གཞོན་ནུར་གྱུར་པ་ཡིན་ལ། བྱང་ཆུབ་སེམས་དཔའ་སེམས་དཔའ་ཆེན
138a5 པོའི་འཁོར་རྣམས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་འཁོར་ཇི་ལྟར་ལྷགས་པ་འདི་དག་གིས་ཀྱང་ཐོས་ནས། རི་མོ་དང་མཆོད་པ་དག་བྱས་ཏེ། དེའི་འོག་ཏུ
138a6 སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས་ལུང་བསྟན་པ་ཐོབ་ཅིང་། བྱང་ཆུབ་སེམས་དཔའི་ཏིང་ངེ་འཛིན་དག་ཀྱང་ཐོབ་པར་གྱུར་ནས། འདོད་པ་ཐམས་ཅད་དུ་འགྲོ་བ་དང་། རེ་བ་ཐམས་ཅད་གྲུབ
138a7 པ་དང་། ནད་ཐམས་ཅད་དང་བྲལ་བར་ཡང་གྱུར་ལ། དགེ་བའི་རྩ་བ་རྣམས་ཡོངས་སུ་སྨིན་པ་དང་། སྒྲིབ་པ་ཐམས་ཅད་སྤངས་པ་དང་། གཟུགས་བཟང་ཞིང་མཛེས་ལ་བལྟ་ན་སྡུག་པ་དང་། ནོར
iiif viewer powered by OpenSeadragon
