| e-texts navigator |
| Wylie |
137b1 མ་རྟོགས་པ་དང་། མི་གཟིགས་པ་དང་། མ་གསན་པ་དང་། རྣམ་པར་མི་མཁྱེན་པ་ཅིའང་མི་མངའ་བས། ཆོས་ཀྱི་འབྲེལ་བའི་གཏམ་ཉན་པར་འཚལ་བ་དང་། སྔོན་གྱི་སངས་རྒྱས་ལ་བསྙེན་བཀུར་བགྱིས་པ
137b2 དང་། ཤེས་རབ་དང་ལྡན་པའི་རང་བཞིན་ཅན་གྱི་བྱང་ཆུབ་སེམས་དཔའ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
137b3 ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་གང་ལྷགས་པ་འདི་དག་རེ་བ་མ་མཆིས་པར་གྱུར་ཅིང་སླར་མཆི་བར་མི་འགྱུར་བར་བཅོམ་ལྡན་འདས་བཤད་དུ་གསོལ། བདེ་བར
137b4 གཤེགས་པ་བཤད་དུ་གསོལ། དེ་ནས་ཐམས་ཅད་དང་ལྡན་པའི་འཁོར་ཇི་ལྟར་ལྷགས་པ་དེ་དག་གིས་ཀྱང་ཡན་ལག་ལྔས་ཕྱག་བྱས་ཏེ། ཚིག་འཐུན་པར་འདི་སྐད་ཅེས་གསོལ་ཏོ།། བཅོམ་ལྡན་འདས
137b5 ལེགས་པར་བཤད་དུ་གསོལ། བདེ་བར་གཤེགས་པ་ལེགས་པར་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ལན་གཉིས་ལན་གསུམ་དུ་གསོལ་བ་བཏབ་པར་ཐུགས་སུ་ཆུད་ནས། ཕྱོགས
137b6 བཅུར་རྣམ་པར་གཟིགས་ཏེ། སྙན་ཅིང་འཇེབས་ལ་ཡིད་དུ་འོང་བའི་གསུང་དབྱངས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས
137b7 བཀའ་སྩལ་ཏོ། ། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་སེམས་ཅན་ལ་གཟིགས་ཤིང་། སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་པ་ཞེས་བྱ་བའི་ཏིང་ངེ་འཛིན་ཡོད་དེ།
iiif viewer powered by OpenSeadragon
