| e-texts navigator |
| Wylie |
136b1 པར་འགྱུར་གྱིས། རིགས་ཀྱི་བུ་དེའི་ཕྱིར་ཁྱེད་ཀྱིས་སེམས་ཅན་ཐམས་ཅད་ལ་སྙིང་རྗེ་བསྐྱེད་ལ་ཕན་པ་དང་། བདེ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བྱ་བའི་བར་གྱི་ཕྱིར།།
136b2 དེ་བཞིན་གཤེགས་པ་ལ་ཡོངས་སུ་ཞུས་ཤིག། རིགས་ཀྱི་ཕྱི་མའི་དུས་ཕྱི་མའི་ཚེ་ན། སེམས་ཅན་སྡིག་པ་བྱེད་པ། དབུལ་བ། ཉམ་ཆུང་བ། ལུས་མདོག་ངན་པ། རྒ་བ་དང་ན་བས་ཡོངས་སུ་གཟིར་བ།
136b3 ལོངས་སྤྱོད་ཆུང་བ། ལུས་ཡོངས་སུ་མ་བསྒོམས་པ། ཚེ་ཐུང་བ། བློ་རུང་བ། འདོད་ཆགས་དང་། ཞེ་སྡང་དང་། གཏི་མུག་གིས་ཡོངས་སུ་གཟིར་བ་དག་འབྱུང་བ་དེ། རིགས་ཀྱི་བུ་དེ་དག་གི་དོན་དུ་ཆོས
136b4 བསྟན་པར་བྱ་བའི་ཕྱིར། དེ་བཞིན་གཤེགས་པ་ལ་གསོལ་བ་ཐོབ་ཅིག་དང་། རིགས་ཀྱི་བུ་དེའི་ཕྱིར་ཁྱོད་ཀྱིས་ཡུན་རིང་པོར་སེམས་ཅན་རྣམས་ཀྱི་དོན་དང་། ཕན་པ་དང་། བདེ་བ་དང་། ནད་ཐམས་ཅད
136b5 རབ་ཏུ་ཞི་བར་བྱ་བ་དང་། སྡིག་ཐམས་ཅད་བཟློག་པར་བྱ་བ་དང་། སྡིག་པ་ཐམས་ཅད་རབ་ཏུ་ཞི་བར་བྱ་བ་དང་། རེ་བ་ཐམས་ཅད་ཡོངས་སུ་རྫོགས་པར་བྱ་བ་དང་། བླ་ན་མེད་པའི་ཡོངས་སུ་མྱ་ངན་ལས
136b6 འདའ་བའི་བར་དག་བྱས་པར་འགྱུར་རོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱོགས་བཅུར་རྣམ་པར་བལྟས་ཏེ། དེ་བཞིན་གཤེགས་པ་བྱེ
136b7 བ་ཕྲག་གངྒཱའི་ཀླུང་གི་བྱེ་མ་སྙེད་དག་ཡིད་ལ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། ལན་གསུམ་བསྐོར་བ་བྱས་ནས། ཡན་ལག་ལྔས་ཕྱག་འཚལ་ཏེ། བཅོམ
iiif viewer powered by OpenSeadragon
