| e-texts navigator |
| Wylie |
136a1 ཀྱི་ནང་དུ་སྐྱེས་པ་དེ་དག་གིས་ཀྱང་། སངས་རྒྱས་རྗེས་སུ་དྲན་པ་སོ་སོར་ཐོབ་ནས། སེམས་ཅན་ཐམ་ཅད་ལ་བྱམས་པར་གནས་པ་དང་། ལུས་དང་སེམས་བདེ་བར་གྱུར་ནས། ཆོས
136a2 མཉན་པའི་ཕྱིར་བཅོམ་ལྡན་འདས་ག་ལ་བ་དེར་ལྷགས་སོ། ། སེམས་ཅན་གང་དག་གཤིན་རྗེའི་འཇིག་རྟེན་རྣམས་སུ་མུན་པ་མུན་ནག་གི་ནང་དུ་སྐྱེས་པ་དེ་དག་ཀྱང་། སངས་རྒྱས་ཀྱི་མཐུས་ཡུད་ཙམ་ཞིག།
136a3 དྲན་པ་སོ་སོར་ཐོབ་ནས། གཅིག་གིས་གཅིག་ཀུན་ཏུ་ཤེས་པར་གྱུར་ཏེ། དེ་དག་མུན་པ་ཆེན་པོ་དེ་ནས་ཡོངསུ་ཐར་པར་གྱུར་ཏོ།། སེམས་ཅན་ཐམས་ཅད་གཅིག་ལ་གཅིག་གིས་བྱམས་པར་གནས་ཤིང་ཉེ
136a4 བའི་ཉོན་མོངས་པ་རྣམས་དང་བྲལ་བར་གྱུར་ཏོ། ། དེ་ནས་དེའི་ཚེ་ས་ཆེན་པོ་འདི་རྣམ་པ་དྲུག་ཏུ་རབ་ཏུ་གཡོས་ཏེ།། མཐོ་བ་དང་དམའ་བར་ཡང་གྱུར་ཏོ།། དེ་ནས་འཁོར་འདུས་པ་དེར་འཇམ་དཔལ་གཞོན
136a5 ནུར་གྱུར་པ་འདུས་ཏེ་འདུག་པར་གྱུར་ནས། དེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ།། རིགས་ཀྱི་བུ་བྱང་ཆུབ་སེམས་དཔའི
136a6 འདུས་པ་ཆེན་པོ་ཀུན་ཏུ་སྣང་ཞིང་། འདུས་པ་ཆེན་པོའི་སྔ་ལྟས་ཀྱང་ཀུན་ཏུ་སྣང་ལ། རིགས་ཀྱི་བུ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་མང་པོ་དག་ལུང་སྟོན་པའང་ཀུན་ཏུ་སྣང་ཞིང་ཆོས་ཀྱི་འབྲེལ
136a7 བའི་གཏམ་ཆེན་པོའི་སྔ་ལྟས་ཀྱང་ཀུན་ཏུ་སྣང་བ་ལས་ན། རིགས་ཀྱི་བུ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དུ་མ་དག་གི་རེ་བ་ཐམས་ཅད་ཡོངས་སུ་རྫོགས་པར་འགྱུར་ཞིང་། ཡེ་ཤེས་ཆེན་པོའང་ཐོ
iiif viewer powered by OpenSeadragon
