| e-texts navigator |
| Wylie |
135b1 གྱུར་ནས། སེམས་ཅན་དམུས་ལོང་གང་ཡིན་པ་དེ་དག་གིས་ནི་མིག་གིས་གཟུགས་རྣམས་མཐོང་བར་གྱུར་ཏོ།། འོན་པ་རྣམས་ཀྱིས་ནི་རྣ་བས་སྒྲ་དག་ཐོས་པར་གྱུར་ཏོ།། ནད་ཀྱིས་བཏབ་པ་རྣམས་ནི་ནད
135b2 དག་དང་བྲལ་བར་གྱུར་ཏོ། ། གོས་མེད་པ་རྣམས་ནི་གོས་དག་ཐོབ་པར་གྱུར་ཏོ།། སྨྱོན་པ་རྣམས་ནི་དྲན་པ་ཐོབ་པར་གྱུར་ཏོ།། ལུས་ཉམས་པ་དང་། དབང་པོ་མ་ཚང་བ་རྣམས་ནི་ལུས་དང་དབང་པོ་ཡོངས་སུ
135b3 རྫོགས་པར་གྱུར་ཏོ། ། དབུལ་པོ་རྣམས་ཀྱིས་ནི་ནོར་དག་ཐོབ་པར་གྱུར་ཏོ།། སེམས་ཅན་གང་དག་ནོར་དང་། ཡོ་བྱད་དང་། ལོངས་སྤྱོད་མེད་པ་དེ་དག་ནི། ནོར་དང་། ཡོ་བྱད་དང་། ལོངས་སྤྱོད་དག་དང་ལྡན
135b4 པར་གྱུར་ཏོ། ། སེམས་ཅན་ཐམས་ཅད་ཀྱང་བདེ་བ་ཐམས་ཅད་དང་ལྡན་ཞིང་བསམ་པ་ཐམས་ཅད་ཡོངས་སུ་རྫོགས་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན
135b5 གང་ཡིན་པ་དེ་དག་ཐམས་ཅད་ལའང་བསྐུལ་ནས། ཐམས་ཅད་ཆོས་མཉན་པའི་ཕྱིར། བཅོམ་ལྡན་འདས་ག་ལ་བ་དེར་ལྷགས་ཏེ། སེམས་ཅན་གང་དག་ལྷ་རྣམས་ཀྱི་ནང་དུ་སྐྱེས་པ་དེ་དག་ཐམས་ཅད་ཀྱིས
135b6 ནི་ལྷའི་བདེ་བ་ཡོངས་སུ་སྤངས་ནས། སངས་རྒྱས་རྗེས་སུ་དྲན་པར་བྱས་ཏེ། ཆོས་མཉན་པའི་ཕྱིར་བཅོམ་ལྡན་འདས་ག་ལ་བ་དེར་ལྷགས་སོ།། སེམས་ཅན་གང་དག་མི་རྣམས་ཀྱི་ནང་དུ་སྐྱེས་པ་དེ་དག་གིས
135b7 ཀྱང་མིའི་བདེ་བ་ཡོངས་སུ་སྤངས་ནས། ཆོས་མཉན་པའི་ཕྱིར་བཅོམ་ལྡན་འདས་ག་ལ་བ་དེར་ལྷགས་སོ།། སེམས་ཅན་གང་དག་ཀླུ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་རྣམས
iiif viewer powered by OpenSeadragon
