| e-texts navigator |
| Wylie |
135a1 དྲི་ཟ་ཐམས་ཅད་ཀྱང་སྔོན་གྱི་སངས་རྒྱས་ལ་བསྙེན་བཀུར་བྱས་པ། དེ་བཞིན་གཤེགས་པའི་ཆོ་འཕྲུལ་མཐོང་བ་བརྒྱད་སྟོང་དང་། གནོད་སྦྱིན་མོ་ཆེན་མོ་ཐམས་ཅད་ཀྱང་བྱང་ཆུབ
135a2 སེམས་དཔའི་ཡེ་ཤེས་ཐོབ་པ། ལུང་བསྟན་པ་ཐོབ་པ། ཕྱིར་མི་ལྡོག་པ་དཔེ་མེད་མ་དང་། དྲི་མེད་འོད་དང་། འཇིགས་བྱེད་མ་དང་། དཔལ་ལྡན་མ་དང་། འཕྲོག་མ་དང་། དུང་ཅན་མ་ལ་སོགས་པ
135a3 གནོད་སྦྱིན་མོ་ཆེན་མོ་བརྒྱད་ཅུ་དང་། བརྒྱ་བྱིན་དང་། ཚངས་པ་དང་། རྣམ་ཐོས་ཀྱི་བུ་དང་། ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་བཟང་དང་། ནོར་བུ་བཟང་པོའི་བུ་དང་། གང་པ་བཟང
135a4 པོ་ལ་སོགས་པ་འཇིག་རྟེན་སྐྱོང་བ་ཐམས་ཅད་ཀྱི་བར་དག་དང་ཐབས་གཅིག་ཏུ་བཞུགས་སོ། ། དེ་ནས་དེ་དག་ཐམས་ཅད་ཀྱིས་དེ་བཞིན་གཤེགས་པ་སེང་གེའི་ཁྲི་ལ་བཞུགས་པར་རིག་ནས། རང་རང
135a5 གི་དགེ་བའི་རྩ་བ་དག་གིས་དེ་བཞིན་གཤེགས་པ་ལ་ལྷའི་རྒྱན་དང་། ན་བཟའ་དང་། མེ་ཏོག་དང་། མེ་ཏོག་འཕྲེང་དང་། སྤོས་དང་། བྱུག་པ་དང་། རོལ་མོའི་སྒྲ་རྣམས་ཀྱིས་མཆོད་པར་བྱས། རི་མོར་བྱས
135a6 སོ། ། ཁ་ཅིག་གིས་ནི་ལན་འབུམ་ཕྲག་དུ་མར་བསྐོར་བ་བྱས་ཏེ་བསྟོད་དོ།། དེ་ནས་དེའི་ཚེ་བཅོམ་ལྡན་འདས་སེམས་ཅད་ཐམས་ཅད་ལ་དམིགས་པ། སྙིང་རྗེ་ཆེན་པོའི་ཤེས་པ་ལ་གནས་པ་ཞེས་བྱ་བའི
135a7 ཏིང་ངེ་འཛིན་ལ་སྙོམས་པར་ཞུགས་སོ། ། ཏིང་ངེ་འཛིན་དེའི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འོད་ཀྱིས་སྣང་བར་གྱུར་ཅིང་། གཟུགས་ཐམས་ཅད་ཀྱང་སྣང་བས་ཁྱབ་པར
iiif viewer powered by OpenSeadragon
