| e-texts navigator |
| Wylie |
134b1 ཀྱི་བྱིན་གྱི་རླབས་སེམས་ཅན་ལ་གཟིགས་ཤིང་། སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱུག
134b2 འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གྲུ་འཛིན་ན། འཕགས་པ་སྤྱན་རས་གཟིགས་དབང་ཕྱུག་གི་གནས། ལྷའི་ནོར་བུ་རིན་པོ་ཆེ་དཔལ་གྱི་སྙིང་པོ་དང་། མེ་ཏོག
134b3 རྒྱས་པ་དང་། ལྷའི་སེང་གེའི་ཁྲི་བཀོད་པ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། སེམས་ཀྱི་དབང་གི་དམ་པའི་ཕ་རོལ་ཏུ་སོན་པ་ཤ
134b4 སྟག་དང་། བྱང་ཆུབ་སེམས་དཔའ་ཐམས་ཅད་ཀྱང་སྙིང་རྗེ་ཆེན་པོ་ཤེས་པ་ལ་གནས་པ། ཐམས་ཅད་ཀྱང་སྐྱེ་བ་གཅིག་གོས་ཐོགས་པ་དང་། སྐྱེ་བ་གཉིས་དང་། སྐྱེ་བ་གསུམ་དང་། སྐྱེ་བ་བཅུ་དང
134b5 སྐྱེ་བ་ཉི་ཤུ་དང་། སྐྱེ་བ་སུམ་ཅུ་དང་། སྐྱེ་བ་བརྒྱའི་བར་དག་གིས་ཐོགས་པ། ཐམས་ཅད་ཀྱང་ས་བརྒྱད་པ་དང་། ས་བཅུ་པ་ལ་གནས་པ་ཤ་སྟག་སྟེ། འཕགས་པ་སྤྱན་རས་གཟིགས་དབང་ཕྱུག་དང་།
134b6 འཇམ་དཔལ་དང་། དྲི་མེད་ཏོག་དང་། ནོར་དཔལ་དང་། གློག་གི་ཏོག་དང་། དྲི་མེད་འོད་དང་། ཙན་དན་དང་། བདུད་རྩིའི་ཏོག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བདུན་བརྒྱ་དང་།
134b7 དགེ་བསྙེན་དང་། དགེ་བསྙེན་མ་ཐམས་ཅད་ཀྱང་ལུང་བསྟན་པ་དང་ལྡན་པ། ཏིང་ངེ་འཛིན་ཐོབ་པ། འཇིག་རྟེན་གྱི་ཁམས་ཐ་དད་པ་ནས་འདུས་པ་ལྔ་སྟོང་དང་། ལྷ་དང་། ཀླུ་དང་། གནོད་སྦྱིན་དང་།
iiif viewer powered by OpenSeadragon
