| e-texts navigator |
| Wylie |
292b1 བྱང་ཆུབ་སེམས་དཔའ་བརྒྱད་སྟོང་ཐམས་ཅད་ཀྱང་མངོན་པར་ཤེས་པས་མངོན་པར་ཤེས་པ། གཟུངས་ཐོབ་པ། སྤོབས་པ་ཐོགས་པ་མེད་པ། ཏིང་ངེ་འཛིན་ཐོབ་པ། མི་སྐྱེ་བའི་ཆོས་ལ་བཟོད་པ་ཐོབ
292b2 པ་མངོན་པར་ཤེས་པ་ལྔ་དང་ལྡན་པ། ཚིག་ཐོགས་པ་མེད་པ། ཚུལ་འཆོས་པ་མེད་པ། ཁ་གསག་མེད་པ་ཤེས་ཀྱི་ཁེ་འདོད་པའི་སེམས་དང་བྲལ་བ། ཟང་ཟིང་མེད་པར་ཆོས་སྟོན་པ
292b3 ཆོས་ཟབ་མོ་ལ་བཟོད་པ་དམ་པའི་ཕ་རོལ་ཏུ་སོན་པ། མི་འཇིགས་པ་དང་ལྡན་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་སྤངས་པ། ཆོས་ཀྱི་རང་བཞིན་ལ་ཐེ་ཙོམ་མེད་པ།
292b4 བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པར་སྨོན་ལམ་ཤིན་ཏུ་བརྩམས་པ་བཞིན་འཛུམ་པ། ཁྲོ་གཉེར་མེད་པ། ཚིགས་སུ་བཅད་པའི་དབྱངས་ཀྱིས་སྨྲ་བ་ལ་མཁས་པ། སེམས་ཡོངས་སུ་མ
292b5 གཏུགས་པ། སྤོབས་པ་རྒྱུན་མི་འཆད་པ། ཆོས་མཉམ་པ་ཉིད་ལ་བཟོད་པ་ཐོབ་པ། མི་འཇིགས་པ་ཆེན་པོས་འཁོར་མཐའ་ཡས་པ་ཟིལ་གྱིས་གནོན་པ། ཚིག་གཅིག་གིས་བསྐལ་པ་བྱེ་བ་ཁྲག་ཁྲིག་འབུམ
292b6 ཕྲག་གཅིག་ཏུ་སྟོན་པའི་ཡེ་ཤེས་ལ་མཁས་པ། འདས་པ་དང་མ་འོངས་པ་དང་། ད་ལྟར་བྱུང་བའི་ཆོས་ཐམས་ཅད་སྒྱུ་མ་དང་། སྨིག་རྒྱུ་དང་། ཆུ་ཟླ་དང་། རྨི་ལམ་དང་། མིག་ཡོར་དང
292b7 བྲག་ཆ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། དབེན་པ་དང་། གཡོ་བ་མེད་པ་དང་། གཟུང་བ་མེད་པ་དང་། ནམ་མཁའི་ངོ་བོ་ཉིད་ལྟ་བུར་མོས་པ།
iiif viewer powered by OpenSeadragon
