| e-texts navigator |
| Wylie |
271b1 མཐའ་ནི་གཏན་དུ་མི་འབྱུང་བའི་མཐའོ། ། མཐའ་ཅན་གང་ཡིན་པ་དེ་ནི། འདོད་ཆགས་དང་ཞེ་སྡང་དང་། གཏི་མུག་རྣམས་སོ།། དེའི་མཐའ་ཅན་ནི་རྣམ་པར་གྲོལ་བའི་མཐའོ།། གང་མཐའ་དེའི་སྒོར་ཞུགས
271b2 བ་ནི་གང་དུ་ཡང་མངོན་པར་ཞེན་པ་མེད་དོ། ། གང་མངོན་པར་ཞེན་པ་མེད་པ་དེ་ནི་ཐ་སྙད་ཀྱིས་བརྡ་ལ་ཆགས་པ་མེད་དོ།། མ་ཆགས་ན་གྲོལ་བར་འགྱུར་རོ།། གྲོལ་ན་ཕྱིན་ཆད་མི་རྒྱུ་རབ་ཏུ་མི་རྒྱུའོ།། མི་རྒྱུ་རབ་ཏུ་མི
271b3 རྒྱུ་ན། གང་དུ་ཡང་ཉམས་པར་མི་འགྱུར་རོ།། བློ་མ་ཉམས་ན་ཐམས་ཅད་ལས་ངེས་པར་འབྱུང་བར་མཐོང་སྟེ། ཇི་ལྟར་རྣམ་པར་མི་མཐོང་བ་དེ་ལྟར་ཡང་མཐོང་ངོ་།། གང་གི་ཚེ་རྣམ་པར་མི་མཐོང་བ་དེའི་ཚེ།།
271b4 གཉིས་སུ་མི་འབྱེད་དོ།། གཉིས་སུ་མེད་པ་ལ་གནས་ན། མཉམ་པ་ཉིད་ལ་འཇུག་གོ།། མཉམ་པ་ཉིད་ལ་ཞུགས་ན། མཐོ་བར་ཡང་མི་འགྱུར། དམའ་བར་མི་འགྱུར་རོ།། མཐོ་བ་ཡང་མེད། དམའ
271b5 བ་ཡང་མེད་ན། མཉམ་པ་ཉིད་ཀྱི་ཆོས་ཀྱིས་རབ་ཏུ་ཕྱེ་བའི་བཟོད་པ་ཐོབ་པར་འགྱུར་ཏེ། དེ་ལ་བཟོད་པ་གང་ཡིན་པ་དང་། ལུང་བསྟན་པ་གང་ཡིན་པ་དང་། གང་ལུང་བསྟན་པར་བྱ་བ་དང་། སུས་ལུང
271b6 བསྟན་པ་དང་། ཅིའི་ཕྱིར་ལུང་བསྟན་པའི་ཆོས་དེ་དག་ཐམས་ཅད་ཆོས་མཉམ་པ་དང་། ཆོས་མེད་པའི་ཆོས་ཀྱི་དབྱིངས་སུ་ངེས་པ་དང་། བརྡ་མེད་པ་དང་། འབྱུང་བ་མེད་པ་དང་། དངོས་པོ་དང་། དངོས
271b7 པོ་མེད་པ་དང་བྲལ་བ་དང་། གཉིས་སུ་མེད་པའི་མཐའ་ཅན་དེ་དག་གི་དོན་ཡོངས་སུ་གཞལ་ནས། ཆོས་གང་ཡང་བགྲང་བར་མི་བྱེད་དོ།། དཔེར་ན། ནམ་མཁའ་ནི་བགྲང་དུ་མེད་ཅིང་བགྲང་བ་ལས
iiif viewer powered by OpenSeadragon
