| e-texts navigator |
| Wylie |
277b1 བཞིན་ནོ། ། བྱང་ཆུབ་སེམས་དཔའ་བདུད་འཇོམས་ཀྱིས་གསོལ་པ། བཅོམ་ལྡན་འདས་བདག་སངས་རྒྱས་ཀྱི་ཡུལ་ལ། བདུད་ཀྱི་གུལ་གྱི་རྗེས་སུ་མཆིས་ལ་བདུད་ཀྱི་ཡུལ་ལ་ཡང་སངས་རྒྱས་ཀྱི་རྗེས
277b2 སུ་མཆིས་ན། ཅི་བདག་དམ་པའི་ཆོས་འཛིན་པ་ལག་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སེམས་དཔའ་རྡོ་རྗེའི་སྟབས་ཀྱིས་འགྲོ་བས་གསོལ་པ། བཅོམ་ལྡན་འདས་གང་ཆོས
277b3 ཀྱི་དབྱིངས་ཀྱང་འབྱེད་པར་མི་བགྱིད། སེམས་ཅན་གྱི་ཁམས་ལ་མ་གཏོགས་པར་ཡང་། ཆོས་ཀྱི་དབྱིངས་ལ་འཇུག་པར་མི་བགྱིད་ན། ཅི་དེ་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི
277b4 བུ་དེ་ནི་དེ་བཞིན་ནོ། ། བྱང་ཆུབ་སེམས་དཔའ་མི་དམིགས་པས་གསོལ་པ། བཅོམ་ལྡན་འདས་གང་ཆོས་ཅི་ཡང་མི་དམིགས་ལ། བ་སྤུའི་ཁུང་བུ་ཐམས་ཅད་ནས་ཀྱང་ཆོས་ཀྱི་སྒྲ་ཡང་བྱུང་ན། ཅི་དེ་དམ་པའི་ཆོས་འཛིན
277b5 པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སེམས་དཔའ་ཀུན་ནས་བསྲུངས་པས་གསོལ་པ། བཅོམ་ལྡན་འདས་གང་བདུད་ཀྱི་ཞགས་པས་ཀྱང་མ་བཅིངས་ལ། བྱང་ཆུབ་སེམ
277b6 དཔའི་སྤྱད་པ་ཡང་སྤྱོད་མ། ཅི་དེ་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ་སེམས་དཔའ་བློ་གྲོས་རྒྱ་མཚོས་གསོལ་པ། བཅོམ་ལྡན་འདས་གང་ཆོས་ཐམ
277b7 ཅད་རྒྱ་མཚོའི་ཕྱག་རྒྱར་ཡང་དག་པར་འདུ་བ་དང་། རྣམ་པར་གྲོལ་བའི་ངོ་བོ་ཉིད་རོ་གཅིག་པར་འཚལ་ན། ཅི་དེ་དམ་པའི་ཆོས་འཛིན་པ་ལག་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། ལྷའི་བུ་མཚན་བཟང
iiif viewer powered by OpenSeadragon
