| e-texts navigator |
| Wylie |
276a1 ཆོས་ཀྱི་དབང་ཕྱུག་སུན་རིག་ཀུན་མཁྱེན་པ། ། སྟོན་པ་དེ་ལ་སློབ་ན་དེ་བཞིན་དུ།། འཕགས་པ་ཀུན་གྱིས་དེ་ཉིད་དོན་ཀྱང་རྟོགས།། བྱུང་བ་གང་ལགས་པ་དང་ད་ལྟར་དང་།། མ་འོངས་པ་ན་བྱུང
276a2 གང་ལགས་པ། ། ཐམས་ཅད་ལ་ཡང་ཐུབ་པ་སྐྱེས་མཆོག་གི། ཡེ་ཤེས་འཇུག་སྟེ་ཐོགས་པ་ཡོང་མི་མངའ།། སྐྱེས་བུ་དམ་པ་དེ་ཡིས་དེ་རིང་བདག། དོག་མ་མཆིས་པར་བྱང་ཆུབ་མཆོག་ལུང་བསྟན
276a3 བདག་ནི་འགྲོ་ལ་ཕན་ཕྱིར་སངས་རྒྱས་འགྱུར། ། བདག་ལ་སོམ་ཉིས་མ་མཆིས་དོགས་མ་མཆིས།། ཆོས་ཐམས་ཅད་རང་བཞིན་གྱིས་ཡོངས་སུ་དག་པའི་ལེའུ་སྟེ་དགུ་པའོ།།
276a4 དེ་ནས་སངས་རྒྱས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་དེ་དག་ཐམས་ཅད་ལ་བཀའ་སྩལ་པ་སྐྱེས་བུ་དམ་པ་ཁྱེད་ཀྱིས་དེ་བཞིན་གཤེགས་པའི་བྱང་ཆུབ། ཅི་ནས་ཡུན་རིང་དུ་གནས་པར
276a5 བྱ་བའི་ཕྱིར་ཟུང་ཤིག། ཁྱེད་ཀྱི་ནང་ནས་སུ་དག་མདོ་སྡེ་འདི་ལྟ་བུ་འདི་དག་གཟུང་བར་སྤྲོ། དེ་ནས་དེར་བྱང་ཆུབ་སེམས་དཔའ་ཉི་ཁྲི་དང་ལྷའི་བུ་ཁྲི་སྟན་ལས་ལངས
276a6 ཏེབཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གིས་མདོ་སྡེ་འདི་ལྟ་བུ་འདི་དག་གཟུང
276a7 བར་འཚལ་ལོ། ། རྒྱས་པར་ཡང་བགྱིའོ།། བཅོམ་ལྡན་འདས་ཀྱིས་བཀའ་སྩལ་བ། རིགས་ཀྱི་བུ་ཁྱེད་ཀྱིས་ཆོས་བསྒྲུབ་པ་ཇི་ལྟ་བུས། དེ་བཞིན་གཤེགས་པའི་བྱང་ཆུབ་འདི་འཛིན
iiif viewer powered by OpenSeadragon
