| e-texts navigator |
| Wylie |
275a1 རྟེན་སྒྱུ་མ་ལྟ་བུར་འཇུག། བྱེད་པ་མ་མཆིས་ཚོར་བ་པོ་མ་མཆིས།། འོན་ཀྱང་ལས་མཆིས་འབྲས་བུའི་དོན་ཡང་མཆིས།། འགྲོ་བའི་ལས་ཀྱིས་རྐྱེན་གྱིས་རང་བཞིན་འབྱུང
275a2 ཕན་ཚུན་དུ་ནི་རྒྱུ་ལས་རྟེན་པར་འདུས། ། དགེ་དང་མི་དགེའི་ལས་གང་བགྱིད་པ་དང་།། གང་ཞིག་བསྒོམས་དང་གང་དུ་བགྱིས།། ཡུལ་ན་མ་མཆིས་ཕྱོགས་ན་མ་མཆིས་ཏེ། ངོ་བོ་ཉིད་སྟོང་འོན་ཀྱང
275a3 རྣམ་པར་སྨིན། ། ནང་དང་སླད་རོལ་པར་ནི་མི་གནས་ཏེ།། ཆོས་རྣམས་གང་དུའང་འཕངས་པ་ཡོངས་མ་མཆིས།། དེ་དག་གང་ལའང་རྟེན་པ་མ་མཆིས་ལ།། རྣམ་པར་སྨིན་པ་སླུ་བར་ཡོང་མི་བགྱིད།།
275a4 སྐྱེས་པ་མི་མངའ་འགག་པ་མངའ་མ་ལགས།། མཁས་པ་རྣམས་ནི་གོ་བར་བགྱི་སླད་དུ།། ཉན་པ་ལ་ནི་སྨྲ་བས་ཚིག་ཀྱང་བསྟན།། ལྟ་བ་རྣམ་པར་སྦྱང་བའི་སླད་དུ་བསྟན།། གང་གི་འདུ་ཤེས་འདུ་ཤེས
275a5 ཅན་མ་མཆིས། ། མྱ་ངན་འདས་མཆིས་སུ་ཡང་ཞི་མ་མཆིས།། སྐྱེ་བ་མ་མཆིས་མཐའ་གང་མཐའ་དེ་ལགས།། བདག་གི་བདག་མེད་མཐའ་ནི་ནམ་མཁའི་མཐའ།། ཀུན་གྱི་མཐའ་ནི་མཉམ་པར་ཐོབ་པ་དེས།།
275a6 སངས་རྒྱས་བསམ་གྱིས་མི་ཁྱབ་དམ་པ་ཐོབ།། སྔོན་གྱི་མཐའ་དང་ཕྱི་མའི་མཐའ་དང་ནི།། སྐྱེ་བའི་མཐའ་དང་སྐྱེ་བ་མ་མཆིས་མཐའ།། མཐའ་ཀུན་དེ་ལྟར་མཉམ་པར་མཐོང་བ་དང་།། ཆགས་མེད་མཐའ
275a7 ཡི་སྒོ་ཤེས་ལྡན་པ་དང་། ། དུས་གསུམ་མཐའ་རྣམས་ལ་ནི་མ་ཆགས་དེས།། རྒྱལ་བ་རྣམས་ཀྱི་རིགས་མཆོག་ཐོབ་པར་འགྱུར།། འགྲོ་བ་བཅིངས་ལས་རྣམ་པར་གྲོལ་མཛད་ནས།། ཞི་མཆོག་མྱ་ངན
iiif viewer powered by OpenSeadragon
