| e-texts navigator |
| Wylie |
274a1 ཞིང་གི་རང་བཞིན་ངོ་བོ་གང་། སངས་རྒྱས་བྱང་ཆུབ་རང་བཞིན་ངོ་བོ་དེ།། སངས་རྒྱས་བྱང་ཆུབ་རང་བཞིན་ངོ་བོ་གང་།། དེ་ནི་ཆོས་དབྱིངས་རང་བཞིན་ངོ་བོ་ཉིད། ཆོས་རྣམས་ཀུན།
274a2 ལ་རྣམ་པར་དག་པ་འདི།། གང་ཚེ་བྱང་ཆུབ་སེམས་དཔས་དེ་ལྟར་མཐོང་།། དེ་ནས་རྒྱལ་རྣམས་ཡེ་ཤེས་དམ་པ་ཡིད།། བྱང་ཆུབ་མཆོག་ཏུ་དེ་ནི་ལུང་སྟོན་མཛད།། ཆོས་རྣམས
274a3 བརྡ་དང་མིང་དང་ཐ་སྙད་ཙམ། མཉམ་པ་ལགས་ཏེ་མི་བདེན་མིང་དུ་བཏགས། དེ་དག་སྔན་ཆད་ལུས་ཀྱང་མ་ཐོབ་སྟེ།། དེ་དག་གི་ནི་མིང་རྣམས་ཀུན་ཏུ་བརྗོད།། མིང་མ་མཆིས་པར་མིང་ནི་རྣམ་པར
274a4 བརྟགས། ། ཆོས་རྣམས་སྟོང་སྟེ་རང་བཞིན་རྣམ་པར་དག། འཇིག་རྟེན་འདུ་ཤེས་མཁས་པར་རིག་ནས་ནི།། ཐ་སྙད་ཙམ་ལ་ཀུན་ཏུ་སྤྱོད་པར་བགྱི།། ཆོས་ཀུན་སྒྱུ་མ་བཞིན་དུ་རིག་ནས་ཀྱང་།། མི
274a5 བདེན་སྙིང་པོ་མ་མཆིས་རྨི་ལམ་འདྲ། རྣམ་སྨིན་སྒྱུ་དང་ཉིང་མཚམས་སྦྱོར་བ་ཙམ། དེ་ལ་བདེན་པའི་འདུ་ཤེས་ཡོང་མི་བགྱི།། ཆོས་ཀུན་སླུ་བར་བགྱིད་ཅིང་འཇིག་པ་ལགས།། སྒྱུ་མ་སྨིག་རྒྱུ་འདྲ་སྟེ
274a6 མི་བདེན་པ། མགལ་མེའི་འཁོར་ལོ་གཟུགས་བརྙན་འདྲ་བ་ལགས།། རྟག་ཏུ་བྱིས་པའི་སྐྱེ་བོ་རྨོངས་པར་བགྱིད།། བྱིས་པས་བདག་དང་བདག་གིར་འདིར་བརྟགས་ནས།། བླུན་པོ་སྲེད་པས་གཟིར་བ་འདིར་རྨོངསཏེ
274a7 འཁོར་བའི་འཁོར་ལོར་ཡོངས་སུ་འཁོར་བ་ན། ། སྡུག་བསྔལ་གྱིས་ནོན་ཞི་བ་ཐོབ་མི་འགྱུར།། འགྲོ་བའི་འཇུག་པ་འདི་ནི་ཡང་དག་མིན།། གང་གི་འཇུག་པ་དེ་ནི་མ་མཆིས་ཏེ།། འརློ་བའི་འཇིག་རྟེན་ལྟ་བ
iiif viewer powered by OpenSeadragon
