| e-texts navigator |
| Wylie |
271a1 ཅད་མཁྱེན་པ་ཉིད་དུ་ཡང་དག་པར་འགྲུབ་པའི་དགེ་བའི་རྩ་བ་དེ་དག་ཀྱང་ལུང་བསྟན་ཏུ་མེད་དོ། ། རྒྱལ་པོ་ཆེན་པོ་ཆོས་ཐམས་ཅད་ནི་སྟོང་པ་ཉིད་ཀྱི་མཚན་ཉིད་ཡིན་ལ། སྟོང་པ
271a2 ཉིད་ནི་ལུང་བསྟན་དུ་མེད་དོ། ། རྒྱལ་པོ་ཆེན་པོ་ཆོས་ཐམས་ཅད་ནི། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པའི་མཚན་ཉིད་ཡིན་ལ། མཚན་མ་མེད་པ་དང་། སྨོན་པ
271a3 མེད་པ་དང་། མངོན་པར་འདུ་བྱེད་པ་མེད་པའི་མཚན་ཉིད་ནི་ལུང་བསྟན་དུ་མེད་དོ།། རྒྱལ་པོ་ཆེན་པོ་གཞན་ཡང་སངས་རྒྱས་རྣམས་ཀྱི་སྙིང་རྗེ་ཆེན་པོ་འདི་ནི་བསམ་གྱིས་མི་ཁྱབ་སྟེ། མིང་མེད་པ
271a4 དང་མཚན་མ་མེད་པའི་ཆོས་ཐམས་ཅད་མིང་དང་མཚན་མས་སྟོན་པར་མཛད་ལ། སངས་རྒྱས་བཅོམ་ལྡན་འདས་རྣམས་ནི། མིང་དང་མཚན་མའི་རྗེས་སུ་འབྲང་བའི་རྣམ་པར་ཤེས་པ་ཅན
271a5 ཡང་མ་ཡིན་ནོ། ། རྒྱལ་པོ་ཆེན་པོ་ལུང་བསྟན་པ་འདི་ནི་འཇིག་རྟེན་བརྡ་སྤྲད་པར་ཟད་དེ། འདི་ལ་གང་ལུང་བསྟན་པར་བྱ་བའི་མིང་ཆོས་གང་ཡང་། ནང་ངམ་ཕྱི་རོལ་ན་མི་དམིགས་སོ།། རྒྱལ
271a6 པོས་སྨྲས་པ། ཀླུའི་བདག་པོ་བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལུང་བསྟན་པ་མེད་དམ། སྨྲས་པ། རྒྱལ་པོ་ཆེན་པོ་བཟོད་པ་དེ་ཡང་སྐད་ཅིག་པ། ཟད་པའི་མཚན
271a7 ཉིད། མི་ཟད་པའི་མཐའ་ཅན། ཡང་དག་པའི་མཐར་ངེས་པ། མཉམ་པའི་མཐའ་ཅན། གཉིས་སུ་མེད་པའི་མཐར་ངེས་པ་སྟེ། གཉིས་སུ་མེད་པའི་མཐའ་ནི་ཡང་དག་པའི་མཐའོ།། ཡང་དག་པའི
iiif viewer powered by OpenSeadragon
