| e-texts navigator |
| Wylie |
268a1 བརྒྱད་ཁྲི་བཞི་སྟོང་དང་ལྷན་ཅིག་ཏུ་བཅོམ་ལྡན་འདས་དེའི་སྤྱན་སྔར་འཁོད་དེ། ཐལ་མོ་སྦྱར་ནས། ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད།
268a2 དེའི་ཚེ་ཚིགས་སུ་བཅད་པ་འདི་དག་སྨྲས་སོ།། གཟུགས་ལ་བརྐམ་དང་སྒྲ་ལ་རྟེན་པ་དང་།། དྲི་དང་རོ་དང་རེག་ལ་གནས་པ་དང་།། འདོད་ལ་བརྐམ་དང་བདེ་ལ་དགའ་བ་ཡིས།། བྱང་ཆུབ་མཆོག་འདི་རྟོགས
268a3 བར་མི་ནུས་སོ། ། ལེ་ལོ་ཅན་དང་དམའ་ལ་བརྩོན་པ་དང་།། སེར་སྣ་ཅན་དང་ཚུལ་ཁྲིམས་མ་བསྡམས་དང་། སྡང་བའི་སེམས་དང་བློ་ནི་འཁྲུལ་པ་ཡིས།། བྱང་ཆུབ་མཆོག་འདི་རྟོགས་པར་མི་ནུས་སོ།། །
268a4 རང་གི་བདེ་བ་ཐམས་ཅད་སྤངས་པ་དང་། འགྲོ་བའི་སྡུག་བསྔལ་ཐམས་ཅད་བཟོད་པ་དང་།། བརྩོན་འགྲུས་བརྩམས་ཤིང་རྟག་ཏུ་ཆོས་འདོད་གང་།། དེ་ནི་འཇིག་རྟེན་དེ་འདྲའི་སངས་རྒྱས་འགྱུར།། སངས
268a5 རྒྱས་བྱང་ཆུབ་ལ་ནི་བདག་ཞུགས་པ། ། སངས་རྒྱས་རྣམས་དང་ལྷ་རྣམས་དབང་བཙུགས་ཏེ།། ཅི་ནས་བདག་ཚིག་ལོག་པར་མི་འགྱུར་བ།། དེ་ལྟར་སྨན་སླད་སྤྱོད་པ་སྤྱད་པ་བགྱི།། བྱང་ཆུབ་སེམས
268a6 ནི་བདག་གིས་རྨི་ལམ་ཐོས། ། ཐོས་ནས་བདག་ནི་བྱང་ཆུབ་མཆོག་ལ་ཞུགས།། དེ་ཡི་སླད་དུ་སངས་རྒྱས་མི་ཡི་མཆོག། ཡེ་ཤེས་ལྡན་པ་དེ་འདྲ་བ་དག་གིས་བགྱི།། རྒྱལ་པོ་ཆེན་པོ་དེའི་ཚེ་དེའི་དུས་ན།།
268a7 འཁོར་ལོས་སྒྱུར་བའི་རྒྱལ་པོ་ལྷས་བཙང་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སོམ་ཉིའམ། ཡིད་གཉིས་སམ། ཐེ་ཙོམ་ཟ་ན། རྒྱལ་པོ་ཆེན་པོ་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན།
iiif viewer powered by OpenSeadragon
