| e-texts navigator |
| Wylie |
267b1 དག་པའི་འོད་གཟེར་གྱི་རྒྱལ་པོ་ཞེས་བྱ་བ། འཇིག་རྟེན་དུ་བྱུང་སྟེ། རྒྱལ་པོ་ཆེན་པོ་འཇིག་རྟེན་གྱི་ཁམས་ལྟ་བ་ཡོངས་སུ་དག་པ་དེའི་བཀོད་པ་བྱུང་བ་དེ་དག་ནི། ངའི་ཚེའི་ཚད་བསྐལ་པར་གནས་སུ་ཟིན་ཀྱང
267b2 རྒྱས་པར་བསྟན་པར་ནུས་པར་སླ་བ་མ་ཡིན་ནོ། ། རྒྱལ་པོ་ཆེན་པོ་དེའི་ཚེ་དེའི་དུས་ན། འཁོར་ལོས་སྒྱུར་བའི་རྒྱལ་པོ་ལྷས་བཙའ་ཞེས་བྱ་བ་ཞིག་བྱུང་སྟེ། དེས་བཅོམ་ལྡན་འདས་དེ་བཞིན་གཤེགས་པ་འོད་རྣམ
267b3 པར་དག་པའི་འོད་གཟེར་རྒྱལ་པོ་དེ་ལ། ལོ་བཞི་ཁྲི་ཉིས་སྟོང་གི་བར་དུ་མཆོད་པ་བྱས་ཏེ། དགེ་བའི་རྩ་བས་ཉེ་བར་བརྟན་པ་དེ་གཉིད་ལོག་པའི་རྨི་ལམ་དུ། ཚིགས་སུ་བཅད་པ་འདི་གཉིས་ཐོས་སོ།། སྐྱེས་བུ་ཁྱུ།
267b4 མཆོག་ལ་ནི་མཆོད་ཆེན་མང་།། དཔག་མེད་རྒྱ་ཆེན་བསམ་ཡས་བྱས་ཟིན་གྱིས།། འགྲོ་བ་དག་ལ་སྙིང་བརྩེ་བསྐྱེད་ནས་ཀྱང་།། རབ་མཆོག་བྱང་ཆུབ་སེམས་ནི་བསྐྱེད་པར་གྱིས།། བྱང་ཆུབ་སེམས་ནི་ཡང་དག་སྒྲུབ
267b5 བྱེད་གང་། ། དེ་ནི་མཆོད་མཆོག་དམ་པ་ཁྱད་པར་འཕགས།། དེ་ནི་དེ་བཞིན་གཤེགས་རྣམས་བཀུར་སྟི་ཡིན།། དེ་ནི་ཕྱི་མའི་བསོད་ནམས་གཟི་བྱིན་ཡིན།། ། བམ་པོ་བདུན་པ
267b6 སྟེ་ཐ་མའོ། ། རྒྱལ་པོ་ཆེན་པོ་དེ་ནས་འཁོར་ལོས་སྒྱུར་བའི་རྒྱལ་པོ།། ལྷས་བཙའ་དེས་ཚིགས་སུ་བཅད་པ་འདི་གཉིས་ཐོས་ཏེ། དེའི་མཚན་མོ་འདས་ནས་གཡོག་འཁོར་དང་བཅས་ཏེ། བཅོམ་ལྡན
267b7 འདས་དེ་བཞིན་གཤེགས་པ་འོད་རྣམ་པར་དག་པའི་འོད་གཟེར་རྒྱལ་པོ་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས། སྲོག་ཆགས
iiif viewer powered by OpenSeadragon
