| e-texts navigator |
| Wylie |
266b1 ཁམས་ཀྱི་ཏིང་ངེ་འཛིན་ལ་སྙོམས་པར་འཇུག་པ་དེའི་ཚེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མེས་ཡོངས་སུ་གང་བར་མཐོང་ན། དེར་ཆུའི་ཕུང་པོ་དེ་གང་དུ་སོང་། གསོལ་པ། བཅོམ་ལྡན་འདས།
266b2 དེ་ནི་ཏིང་ངེ་འཛིན་ལ་དབང་ཐོབ་པའི་སེམས་དེ་ལྟ་བུར་ལས་སུ་རུང་བ་ལས་གྱུར་པ་ལགས་སོ།། བཀའ་སྩལ་པ། རྒྱལ་པོ་ཆེན་པོ་ཁྱོད་ཀྱིས། དེ་ཉན་ཐོས་ཀྱི་ཏིང་ངེ་འཛིན་དང་། སྙོམས་པར་འཇུག་པ་ལ་དབང་ཐོབ
266b3 པའི་སེམས་ལས་སུ་རུང་བ་ལས་གྱུར་པར་འདོད་ན། དེ་བཞིན་གཤེགས་པ་ལ་རྟག་ཏུ་མཉམ་པར་གཞག་པ་ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ལ་མཁས་པ། སེམས་ལ་དབང་ཡོད་པ། ཆོས་ཐམས
266b4 ཅད་ཀྱི་དབང་ཕྱུག། ཆོས་རྣམས་ལ་དབང་ཡོད་པ་ནི་དེ་ལྟར་མི་འདོད་དམ། རྒྱལ་པོ་ཆེན་པོ་གང་གི་ཚེ་ང་རྒྱ་མཚོ་ཆེན་པོར་ཞུགས་པ་དེའི་ཚེ། ཆུ་དེའི་ནང་ན་གནས་པའི་སེམས་ཅན་རྣམས་ནི། བདག་ཉིད་ཆུའི་ནང་ན
266b5 གནས་སོ་སྙམ་དུ་འཛིན་ཏོ། ། སྐམས་ན་གནས་པའི་སེམས་ཅན་རྣམས་ཀྱིས་ནི་རྒྱ་མཚོ་བསྐམས་པར་མཐོང་ངོ་།། ཇི་ལྟར་གཞན་འཕྲུལ་དབང་བྱེད་པའི་ལྷ་རྣམས་ཀྱི་གནས་བཀོད་པ་རྣམས་རྒྱན་ཐམས་ཅད་ཀྱིས
266b6 བརྒྱན་པ་དེ་བཞིན་དུ། ཀླུ་དང་། དྲི་ཟ་དང་། ལྷ་མ་ཡིན་གྱི་གནས་ཐམས་ཅད་ཀྱང་། དེ་བཞིན་གཤེགས་པའི་འོད་ཀྱིས་ཁྱབ་པར་གྱུར་ཏོ།། རྒྱ་མཚོ་ཆེན་པོའི་ནང་གི་སེམས་ཅན་ཐམས་ཅད་ཀྱང་། གཅིག་ལ་གཅིག
266b7 བྱམས་པའི་སེམས་དང་ཕན་པའི་སེམས་དང་། གནོད་པའི་སེམས་མེད་པ་དང་། རྣམ་པར་འཚེ་བ་མེད་པས་གནས་པར་གྱུར་ཏོ།། དེ་ནས་བཅོམ་ལྡན་འདས་ལ། རྒྱལ་པོ་མ་སྐྱེས་དགྲས
iiif viewer powered by OpenSeadragon
