| e-texts navigator |
| Wylie |
261a1 རིན་པོ་ཆེའི་རྗེམ་སྐས་རྣམས་ལས་བཀོད་པ་ཆེན་པོ་དང་། མཆོད་པ་ཆེན་པོ་དང་། སངས་རྒྱས་ཀྱི་ཆེ་བ་ཉིད་ཆེན་པོས་གཤེགས་ནས། མགུར་བསལ་ཏེ། རྒྱ་མཚོའི་འགྲམ་དུ་བཞེས་སོ།།
261a2 དེ་ནས་རྒྱ་མཚོ་ཆེན་པོའི་ལྷ་མོ་འོད་ལྡན་མས། བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་པ། སུམ་ཅུ་རྩ་གཉིས་མཚན་མངའ་ལྷ་དང་མིས་མཆོད་པ། ལྷ་མི།
261a3 དབང་པོས་བསྙེན་བཀུར་མི་མཆོག་དེང་ཕྱག་འཚལ།། པདྨ་ལྟ་བུའི་སྤྱན་མངའ་ཞལ་རས་ཟླ་བ་འདྲ།། དགེ་བའི་ཆོས་ཀྱིས་འཕགས་པ་བདེ་སྦྱིན་དེང་ཕྱག་འཚལ།། གཟུགས་མཆོག་སྟོན་པ་བསོད་ནམས
261a4 བརྒྱ་ཡི་མཚན་དང་ལྡན། ། ཡོན་ཏན་ཡེ་ཤེས་བསགས་པ་རྣམ་འདྲེན་དེང་ཕྱག་འཚལ།། སྦྱིན་དང་དུལ་བས་འཕགས་པ་ཚུལ་ཁྲིམས་བཟང་པོ་བརྩེགས།། བཟོད་པའི་སྟོབས་ཀྱིས་འཕགས་པ་མི་མཆོག
261a5 དེང་ཕྱག་འཚལ། ། བརྩོན་འགྲུས་སྟོབས་ཀྱིས་བྱུང་བ་བསམ་གཏན་བློ་གྲོས་སྦྱངས།། ཤེས་རབ་མཁའ་མཚུངས་ཁྱོད་ལ་དེ་རིང་མགོས་ཕྱག་འཚལ།། བྱམས་པས་སྙོམས་པའི་ཐུགས་ལྡན་ཐུགས་རྗེས
261a6 འགྲོ་ལ་གཟིགས། ། འདྲེན་པ་ཐུགས་དགྱེས་རྟག་ཏུ་ཕ་རོལ་གཤེགས།། ཀ་ལ་བིངྐ་ལྟ་བུར་གསུང་སྙན་ཚངས་སྐད་སྟོན།། གསུང་སྙན་སྟོན་པ་ཁྱོད་ལ་དེ་རིང་མགོས་ཕྱག་འཚལ།། བདུད་དཔུང་འཇོམས
261a7 པ་བདུད་སྟོབས་ངེས་པར་འཇོམས་མཛད་པ། ། བྱང་ཆུབ་བརྟུལ་ཞུགས་སྒྲུབ་པ་སྲིད་གསུམ་སྲིད་པས་མཆོད།། དྲི་གསུམ་དྲི་མ་སྦྱོང་བ་རྣམ་ཐར་གསུམ་སྟོན་པ།། འཇིག་རྟེན་གསུམ་གྲགས་ཁྱོད་ལ་དེ་རིང
iiif viewer powered by OpenSeadragon
