| e-texts navigator |
| Wylie |
260b1 འདས་ཀྱིས་དེའི་ཚེ། བྱའི་རྒྱལ་པོ་ནམ་མཁའ་ལྡིང་བཞི་པོ་དེ་དག་གིས་ཅི་ནས་ཚེ་རབས་དྲན་པར་འགྱུར་བ་དང་། དེ་བཞིན་གཤེགས་པ་གསེར་ཐུབ་དེ་དང་། དེར་དགེ་སློང་དུ་གྱུར་ནས་ལས་མངོན་པར་འདུ
260b2 བྱེད་པ། མངོན་པར་འདུས་བྱས་པ་དེ་དག་ཐམས་ཅད་རྗེས་སུ་དྲན་པར་འགྱུར་བ། དེ་ལྟ་བུའི་རྫུ་འཕྲུལ་མངོན་པར་འདུ་བྱེད་པ་མཛད་དོ།། དེ་དག་གིས་ཀྱང་མངོན་སུམ་དུ་བཅོམ་ལྡན་འདས་ལ་འདི་སྐད་ཅེས
260b3 གསོལ་ཏོ། ། བཅོམ་ལྡན་འདས་སེམས་ནི་དམུ་རྒོད་གདུལ་དཀའ་ཞིང་། སྲུང་དཀའ་བ་ལགས་ཏེ། དེར་བདག་གི་སེམས་བརྐམ་ཆགས་ཅན་དུ་གྱུར་པས། བཅོམ་ལྡན་འདས་དེ་བཞིན་གཤེགས་པ་གསེར
260b4 ཐུབ་དེ་མ་མཉེས་པར་བགྱིས་སོ། ། བཅོམ་ལྡན་འདས་བདག་ཅག་གིས། ད་སླན་ཆད་རང་གི་སྲོག་ཀྱང་ཡོངས་སུ་གཏང་བར་འཚལ་གྱི། སྡིག་པའི་ལས་ནི་མི་བགྱིད་དོ།། བཅོམ་ལྡན་འདས་ཀྱིས་དེ་དག་ཆོས
260b5 ཀྱི་གཏམ་གྱིས་དགའ་བ་བསྐྱེད་ནས། འདི་སྐད་ཅེས་བཀའ་སྩལ་ཏོ།། གྲོགས་པོ་དག་ཁྱེད་དེ་བཞིན་གཤེགས་པ་བྱམས་པའི་འདུས་པ་དང་པོའི་གྲངས་སུ་གཏོགས་པར་འགྱུར་རོ།། དེ་ནས
260b6 བཅོམ་ལྡན་འདས་ཀྱིས། རྒྱ་མཚོ་ཆེན་པོར་སེམས་ཅན་གྱི་དོན་ཇི་སྙེད་བྱ་དགོས་པ་དེ་དག་ཐམས་ཅད་མཛད་ནས། ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག་པོ་ཚུར་ཤོག། ད་རང་གི་མལ་ཆ
260b7 དང་སྟན་རྣམས་སྡུས་ཤིག། ང་ནི་རང་གི་གནས་སུ་འགྲོའོ།། དེ་ནས་བཅོམ་ལྡན་འདས་ཞམ་རིང་བ་དང་བཅས་པར་གདན་ལས་བཞེངས་ནས། རྒྱ་མཚོ་ཆེན་པོའི་ནང་ནས། ཕྱིར་ཡང
iiif viewer powered by OpenSeadragon
