| e-texts navigator |
| Wylie |
260a1 སོ་སོར་བཤགས་སོ། ། སླན་ཆད་ཀྱང་སྡོམ་པར་འཚལ་ལོ།། ཀླུའི་རིགས་ཐམས་ཅད་ལ་ཡང་མི་འཇིག་པ་སྩལ་ཏོ།། བཅོམ་ལྡན་འདས་ཀྱི་དམ་པའི་ཆོས་ཡུན་ཇི་སྲིད་གནས་པ་དེ་སྲིད་དུ་ཡང
260a2 རྟག་ཏུ་རྒྱུན་མི་འཆད་པར། དེ་བཞིན་གཤེགས་པ་ལ་མཆོད་པའི་ལས་ལ་བརྩོན་པར་བགྱིའོ།། དེ་ནས་བཅོམ་ལྡན་འདས་ཀྱིས། བྱའི་རྒྱལ་པོ་ནམ་མཁའ་ལྡིང་བཞི་པོ་དེ་དག་ལ
260a3 བཀའ་སྩལ་པ། གྲོགས་པོ་དག་ཁྱེད་ནི། དེ་བཞིན་གཤེགས་པ་གསེར་ཐུབ་ཀྱི་གསུང་ར་བ་ལ་དགེ་སློང་བཞིར་གྱུར་ཏེ། དགའ་བྱེད་དང་། དགའ་བྱེད་ཆེན་པོ་དང་། བླ་མ་དང་། བླ་མའི་བཤེས
260a4 གཉེན་ཞེས་བྱ་བར་གྱུར་ཏོ། ། དགེ་སློང་བཞི་པོ་དེ་དག་རྙེད་པ་དང་། བཀུར་སྟི་དང་། ཚིགས་སུ་བཅད་པའི་རྒྱགས་པས་མྱོས་ཤིང་། མཛའ་བཤེས་ཀྱི་ཁྱིམ་དང་། སློངས་མོ་སྟེར་བའི་ཁྱིམ་གྱི་རྒྱགས
260a5 པས་མྱོས་ལ། བདག་ཉིད་ནི་ཚུལ་ཁྲིམས་དང་། ཆོ་ག་དང་། ལྟ་བ་ཉམས། ཚུལ་ཁྲིམས་དང་ལྡན་པའི་དགེ་སློང་རྣམས་ལ་ནི་འཁྲུག་པ་དང་། གནོད་པ་བྱས་ཏེ། ལུས་དང་ངག་དང་། ཡིད་མ་བསྡམས
260a6 ཤིང་སྡིག་པ་མང་པོ་བྱས་པར་གྱུར་ཏོ། ། དེ་བཞིན་གཤེགས་པ་གསེར་ཐུབ་དེ་ལ་ཡང་དེ་དག་གིས་མཆོད་པ་མང་པོ་བྱས་སོ།། དེས་ན་ཁྱེད་སེམས་ཅན་དམྱལ་བར་མ་སོང་སྟེ། དུད་འགྲོའི་སྐྱེ་གནས
260a7 འདིར་སྐྱེས་ནས་འདི་ལྟར་སྡོམ་པས་མ་བསྡམས་པའི་ཕྱིར། ཁྱེད་ཀྱིས་སྲོག་གཅོད་པ་མང་དུ་བྱས་ཤིང་། སྡིག་པའི་ལས་མང་དུ་བྱས་ལ། མང་པོ་དག་ཀྱང་འཇིགས་པར་བྱས་སོ།། དེ་ནས་བཅོམ་ལྡན
iiif viewer powered by OpenSeadragon
