| e-texts navigator |
| Wylie |
259b1 མ་ཡིན་པའི་ཡོན་ཏན་གྱིས་འཚོ་བ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བའི་ཟས་གསུམ་པའོ།། གྲོགས་པོ་དག་གཞན་ཡང་ཟས་གང་། སྟོན་པ
259b2 མ་ཡིན་པ་ལ་སྟོན་པར་ཁས་འཆེ་བ་དང་། ཡང་དག་པར་སོང་བ་མ་ཡིན་པར་ཡང་དག་པར་སོང་བར་ཁས་འཆེ་བ་དང་། དགེ་སློང་མ་ཡིན་པར་དགེ་སློང་དུ་ཁས་འཆེ་བ་དང་། ཚངས་པར་སྤྱོད་པ་མ་ཡིན་པར
259b3 ཚངས་པར་སྤྱོད་པར་ཁས་འཆེ་བས་འཚོ་བ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བའི་ཟས་བཞི་པ་སྟེ། གྲོགས་པོ་དག་ང་ནི་ཟས
259b4 བཞི་པོ་འདི་དག་ཡང་དག་པར་གཅད་པའི་ཕྱིར་ཆོས་སྟོན་ཏེ། གྲོགས་པོ་དག་ལུས་གསོ་བའི་ཕྱིར་གཞན་གྱི་སྲོག་གཅད་པར་མི་བྱའོ།། དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ལ་ནི། སྲོག་གཅེས་ཤིང་ཕངས
259b5 པའི་ཕྱིར་ཏེ། གྲོགས་པོ་དག་དེ་ལྟ་བས་ན། བདག་ཉིད་བསྲུང་བའི་ཕྱིར་དང་། འཇིག་རྟེན་ཕ་རོལ་བསྲུང་བའི་ཕྱིར་དང་། སེམས་ཅན་ཐམས་ཅད་ལ་བདེ་བ་སྦྱིན་པའི་ཕྱིར། མཁས་པས་སྲོག་གི་ཕྱིར་ཡང
259b6 གཞན་གྱི་སྲོག་མི་གཅད་ཅིང་། བྱ་བ་མ་ཡིན་པ་ཐམས་ཅད་མི་བྱའོ།། དེ་སྐད་ཅེས་བཀའ་སྩལ་པ་དང་། བྱའི་རྒྱལ་པོ་ནམ་མཁའ་ལྡིང་བཞི་གཡོག་འཁོར་ས་ཡ་ས་ཡ་དང་ལྡན་པས
259b7 བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་དེ་བཞིན་གཤེགས་པ་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིའོ།། སྔོན་གྱི་སྡིག་པའི་ལས་བགྱིས་པ་ཡང
iiif viewer powered by OpenSeadragon
