| e-texts navigator |
| Wylie |
259a1 གཤེགས་པའི་བྱིན་གྱིས་བརླབས་འདི་ཐོས་ནས། མི་དགའ་ཞིང་རིངས་པའི་ཚུལ་གྱིས། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱིས་ཞབས་ལ་མགོ་བོས
259a2 ཕྱག་འཚལ་ཏེ། ལན་གསུམ་བསྐོར་བ་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་བདག་ཅག་གི་འཚལ་མ་བཀུམ་སྟེ་ཅི་བགྱི་ལགས་བཅོམ་ལྡན་འདས
259a3 ཀྱིས་བཀའ་སྩལ་པ། གྲོགས་པོ་དག་ཟས་བཞི་པོ་འདི་དག་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བ་ཡིན་ཏེ། བཞི་གང་ཞེ་ན། གྲོགས་པོ་དག་ཟས་གང་སྲོག
259a4 ཆགས་གཞན་གསད་པ་དང་། སྲོག་ཆགས་གཞན་ལ་རྣམ་པར་འཚེ་བ་དང་། གཞན་གྱི་སྲོག་གཅད་པས་འཚོ་བ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ
259a5 བར་འགྱུར་བའི་ཟས་དང་པོའོ། ། གྲོགས་པོ་དག་གཞན་ཡང་ཟས་གང་མ་བྱིན་པར་ལེན་ཅིང་འཕྲོག་པ་དང་། གཞན་གྱི་ལོངས་སྤྱོད་འཇིག་པར་བྱེད་པ་དང་། དབྱུག་པ་དང་། རལ་གྲི་དང་། མཚོན་ཆ་དང་། ལག་ཆས
259a6 འཚོ་བ་འདི་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བའི་ཟས་གཉིས་པའོ།། གྲོགས་པོ་དག་གཞན་ཡང་ཟས་གང་ཚུལ་འཆོས་པ་དང་། ཁ་གསག
259a7 དང་ཕ་རོལ་ལ་གནོད་པ་བྱེད་པ་དང་། སྤྱོད་ལམ་ཡང་དག་པར་སྟོན་པ་དང་། ཆོ་ག་ཉམས་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། འཚོ་བ་ཉམས་པ་དང་། ལོག་པ་དང་། ཡང་དག་པ
iiif viewer powered by OpenSeadragon
