| e-texts navigator |
| Wylie |
258b1 ལས་འདའ་བར་ངས་ལུང་བསྟན་ཏེ། ཐེག་པ་ཆེན་པོ་ལ་ཞུགས་པ་རྣམས་ནི་མ་གཏོགས་སོ།། ཀླུའི་བདག་པོ་དེ་བཞིན་གཤེགས་པ་ནི། དེ་ལྟར་འཇིག་རྟེན་ན་ཡོན་གནས་ཡིན་ཏེ། དེ་ལ་སེམས་གཅིག་བསྐྱེད་པ་ཙམ
258b2 ཡང་ཆུད་ཟ་བར་མི་འགྱུར་རོ། ། དེ་ནས་རྒྱ་མཚོ་ཆེན་པོའི་ནང་ན་ཀླུ་དང་། ཀླུ་གཞོན་ནུ་དང་། ཀླུའི་བུ་མོ་ཇི་སྙེད་གནས་པ་དེ་དག་ཐམས་ཅད་ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ཞིང་དགའ་བ
258b3 དང་། ཡིད་བདེ་བ་སྐྱེས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། ཚིག་འདི་སྐད་ཅེས་ཀྱང་སྨྲས་སོ།། དེ་བཞིན་གཤེགས་པ་ནི་གཉིས་སུ་མི་གསུང་བའོ།། དེ་བཞིན་གཤེགས་པ་ནི་བདེ་བ་གསུང
258b4 བའོ། ། ཡང་དག་པ་གསུང་བའོ།། ཕྱིན་ཅི་མ་ལོག་པ་གསུང་བ་སྟེ། དེས་བདག་ཅག་ཐམས་ཅད་ཡོངས་སུ་མྱ་ངན་ལས་འདའ་བར་ལུང་བསྟན་ནོ།། བཅོམ་ལྡན་འདས་བདག་ཅག་ནི་སངས་རྒྱས་དང་། ཆོས་དང་།
258b5 དགེ་འདུན་ལ་ཤིན་ཏུ་སྐྱབས་སུ་མཆིའོ།། སླབ་པའི་གཞི་རྣམས་ཀྱང་གཟུང་བར་འཚལ་ལོ།། དེ་བཞིན་གཤེགས་པ་ལ་ཡང་བཀའ་དྲིན་དུ་གཟོ་བར་འཚལ་ཏེ། དེ་བཞིན་གཤེགས་པ་བཞུགས་པ་ན་ཡང
258b6 བལྟ་བ་དང་། ཕྱག་འཚལ་བ་དང་། བསྙེན་བཀུར་བགྱི་བ་དང་། ཆོས་མཉན་པའི་སླད་དུ་རྒྱུན་མི་འཆད་པར་ཐད་དུ་མཆིའོ།། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ན་ཡང་སྐུ་གདུང་འཆང་བ་རྣམས་ལ
258b7 མཆོད་པ་བགྱིའོ། ། བཀུར་སྟི་དང་། རིམ་གྲོ་ཐམས་ཅད་ཀྱང་བགྱིའོ།། ཀླུ་ཡོངས་སུ་བསྐྱབ་པ་ཞེས་བྱ་བའི་ལེའུ་སྟེ་བདུན་པའོ།། དེ་ནས་བྱའི་རྒྱལ་པོ་ནམ་མཁའ་ལྡིང་བཞིས། དེ་བཞིན
iiif viewer powered by OpenSeadragon
