| e-texts navigator |
| Wylie |
256b1 བཅོམ་ལྡན་འདས་ཀྱིས། ལྷ་མ་ཡིན་གྱི་དབང་པོ་སྒྲ་གཅན་དང་། ལྷ་མ་ཡིན་གྱི་དབང་པོ་བདེ་མཆོག་དང་། ཐགས་བཟངས་རི་ས་དང་། ལག་བཟངས་དང་། སིམ་བྱེད་རྣམས་ལ་བཀའ་སྩལ་པ། གྲོགས་པོ་དག
256b2 བྱམས་པ་ནི། སངས་རྒྱས་ཐམས་ཅད་ཀྱིས་བསྔགས་སོ།། བྱམས་པའི་རྗེས་སུ་འཇུག་པའི་སྐྱེས་བུ་གང་ཟག་གིས་ནི། ཚེ་འདི་དང་ཚེ་ཕྱི་མའི་དོན་ཐོབ་པར་འགྱུར་རོ།། གྲོགས་པོ་དག་ཚེ་འདི་ནི་ཡུན་ཐུང་ངོ་ཚེ་ཕྱི།
256b3 མར་ནི་འགྲོ་དགོས་སོ།། འབྱོར་པ་ཐམས་ཅད་ཀྱི་མཐའ་ནི་རྒུད་པའོ།། རྒྱལ་པོའི་ལོངས་སྤྱོད་དང་། དབང་ཕྱུག་རྣམས་ནི་མི་རྟག་གིས། ཁྱོད་ལྷན་ཅིག་འཐུན་པ་དང་། གནོད་སེམས་མེད་པ་དང་། འཇིག་རྟེན་ཕ་རོལ
256b4 ལ་ལྟ་བ་དང་། ལས་ཀྱི་རྣམ་པར་སྨིན་པ་ལ་རྟོན་པས་གནས་པར་གྱིས་ཤིག། བཅོམ་ལྡན་འདས་ཀྱིས་དེ་ལྟར་ཅི་ནས་སུམ་ཅུ་རྩ་གསུམ་པའི་ལྷ་རྣམས་དང་། ལྷ་མ་ཡིན་དེ་དག་འཐུན་པར་གནས་པར་འགྱུར་བ་དེ
256b5 ལྟ་བུའི་སྐྱོ་བའི་གཏམ་མཛད་དོ། ། དེ་ནས་ཚིག་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་དེང་སླན་ཆད་མཉེན་པའི་ཚུལ་དུ་བགྱིད་ཅིང་གཅིག་ལ་གཅིག་བྱམས་པའི་སེམས་དང་།
256b6 གནོད་སེམས་མ་མཆིས་པས་གནས་པར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་ལེགས་སོ་ལེགས་སོ།། བྱམས་པའི་རྣམ་པའི་སེམས་གང་ཡིན་པ་དེ་ནི། དེ་བཞིན་གཤེགས་པ
256b7 རྣམས་ཀྱི་མཆོད་པའི་མཆོག་ཡིན་ནོ། ། རྫས་ལས་བྱུང་བའི་བསོད་ནམས་བྱའི་དངོས་པོ་རྣམ་པས་ནི། འདི་ལྟ་སྟེ། བྱམས་པའི་སེམས་ཀྱི་ཏིང་ངེ་འཛིན་མཆོག་ཡིན་ཏེ། ངས་དེ་ལས་དགོངས་ནས་དེ་སྐད་བསྟན་ཏོ།།
iiif viewer powered by OpenSeadragon
