| e-texts navigator |
| Wylie |
255a1 བྱང་ཆུབ་ཡིན་ན། ཅི་ཆོས་ཀྱི་འཁོར་ལོ་བསྐོར་རམ། སྨྲས་པ། བདག་ནི་ཆོས་ཀྱི་འཁོར་ལོ་བསྐོར་ལ་གནས་སོ།། སྨྲས་པ། ཁྱོད་ཀྱིས་ཆོས་ཀྱི་འཁོར་ལོ་བསྐོར་བ་དེ་ཇི་ལྟ་བུ་ཞིག། སྨྲས་པ།
255a2 འཁོར་ལོ་དེ་ནི་རྟེན་ཐམས་ཅད་དང་བྲལ་བའི་སླད་དུ་མི་གཡོ་བ་ལགས་སོ།། འཁོར་ལོ་དེ་ནི་ཆོས་ཀྱི་དབྱིངས་ལ་གནས་པའི་ཚུལ་གྱིས་གནས་པ་མ་མཆིས་པ་ལགས་སོ།། འཁོར་ལོ་དེ་ནི་བྲལ་བ་མ་མཆིས་པའི་ཚུལ་གྱིས
255a3 དེ་བཞིན་ཉིད་ལགས་སོ། ། འཁོར་ལོ་དེ་ནི་ཡང་དག་པའི་མཐའ་ལ་གནས་པས་མི་གནས་པ་ལགས་སོ།། འཁོར་ལོ་དེ་ནི་གནས་ཐམས་ཅད་ལས་བྱུང་བ་མ་ལགས་པས་གནས་མ་མཆིས་པ་ལགས་སོ།། འཁོར་ལོ
255a4 དེ་ནི་ཆོས་ཐམས་ཅད་ཀྱི་མཉམ་པ་ཉིད་ཀྱི་རྗེས་སུ་སོང་བས། གཉིས་སུ་མ་མཆིས་པ་ལགས་སོ།། འཁོར་ལོ་དེ་ནི་གཅིག་དང་ཐ་དད་པར་མི་དམིགས་པས། ཐ་དད་པ་མ་ལགས་སོ།། འཁོར་ལོ་དེ་ནི་སྒྲ་དང་། སྐད་དང་། ཚིག
255a5 གི་ལམ་ཐམས་ཅད་རོ་གཅིག་པས། བརྗོད་དུ་མ་མཆིས་པ་ལགས་སོ།། འཁོར་ལོ་དེ་ནི་ཤིན་ཏུ་ཀུན་ནས་ཉོན་མོངས་པ་ཅན་མ་ལགས་པས། རྣམ་པར་དག་པ་ལགས་སོ།། འཁོར་ལོ་དེ་ནི་ཆད་པ་དང་རྟག་པ་མི་དམིགས
255a6 པས་ཡོད་པ་ཡོངས་སུ་ཆད་པ་མ་ལགས་སོ། ། འཁོར་ལོ་དེ་ནི་རྒྱུ་དང་རྐྱེན་ཤིན་ཏུ་བརྟགས་པས་འགལ་བ་མ་མཆིས་པ་ལགས་སོ།། འཁོར་ལོ་དེ་ནི་བདེན་པ་ལགས་སོ།། འཁོར་ལོ་དེ་ནི་མི་སྐྱེ་མི་འགག་པ་ལགས
255a7 སོ། འཁོར་ལོ་དེ་ནི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ལགས་སོ།། བཙུན་པ་འོད་སྲུངས་ཆེན་པོ་འཁོར་ལོ་དེ་འདྲ་བ་གང་ལགས་པ་དེའི་བསྐོར་བ་ཇི་འདྲ་བ་ཞིག་ལགས་སྨྲས་པ། བུ་མོ་ཁྱོད་ཀྱིས་བསྟན
iiif viewer powered by OpenSeadragon
