| e-texts navigator |
| Wylie |
254a1 རྒྱས་ཀྱི་ཆོས་དེ་དག་ཁྱོད་ལ་ཡོད་དམ། སྨྲས་པ། གནས་བརྟན་ཅི་སངས་རྒྱས་ཀྱི་ཆོས་སུ་གདགས་པ་འདས་པ་འམ། མ་འོངས་པ་འམ། ད་ལྟར་བྱུང་བ་འམ། ཡུལ་ན་གནས་པ་འམ།
254a2 ཕྱོགས་ན་གནས་པ་འམ། སྔོན་པོ་འམ། སེར་པོ་འམ། དམར་པོ་འམ། དཀར་པོ་འམ། བཙོད་ཀ་འམ། ཤེལ་གྱི་ཁ་དོག་གམ། དངུལ་གྱི་ཁ་དོག་ལྟ་བུ་ལགས་སམ། སྨྲས་པ། བུ་མོ་སངས་རྒྱས་ཀྱི་ཆོས་རྣམས
254a3 གདགས་པ་ནི། ཁ་དོག་དང་དབྱིབས་ཀྱི་གོ་ནས་བསྟན་པར་མི་ནུས་སྷོ།། སྨྲས་པ། བཙུན་པ་གལ་ཏེ་སངས་རྒྱས་ཀྱི་ཆོས་རྣམས་གདགས་སུ་མ་མཆིས་པ་དང་། གདགས་སུ་མི་རུང་བ་ལགས་ན། དེ་ཅིའི་སྲད་དུ
254a4 བདག་ལ་ཚོལ་བར་མཛད། སྨྲས་པ། བུ་མོ་འོ་ན་སངས་རྒྱས་ཀྱི་ཆོས་གང་ལས་བཙལ་བར་བྱ། སྨྲས་པ། ལྟ་བའི་རྣམ་པ་དྲུག་ཅུ་རྩ་གཉིས་ལས་བཙལ་བར་བགྱིའོ།། སྨྲས་པ། ལྟ་བའི་རྣམ་པ་དྲུག་ཅུ་རྩ།
254a5 གཉིས་ཀྱང་གང་ལས་བཙལ་བར་བྱ།། སྨྲས་པ། དེ་བཞིན་གཤེགས་པའི་རྣམ་པར་གྲོལ་བ་ལས་བཙལ་བར་བགྱིའོ།། སྨྲས་པ། དེ་བཞིན་གཤེགས་པའི་རྣམ་པར་གྲོལ་བ་ཡང་གང་ལས་བཙལ་བར་བྱ།། སྨྲས
254a6 པ་མཚམས་མེད་པ་ལྔ་ལས་བཙལ་བར་བགྱིའོ། ། སྨྲས་པ། མཚམས་མེད་པ་ལྔ་ཡང་གང་ལས་བཙལ་བར་བྱ། སྨྲས་པ། གནས་བརྟན་འོད་སྲུངས་ཆེན་པོའི་རྣམ་པར་གྲོལ་བ་ཡེ་ཤེས་མཐོང་བ་ལས་བཙལ
254a7 བར་བགྱིའོ། ། སྨྲས་པ། བུ་མོ་ཁྱོད་ཀྱི་གཏམ་འདི་འདྲ་བ་དེ་ཇི་ལྟ་བུ་ཞིག། སྨྲས་པ། བཙུན་པ་གཏམ་འདི་ནི་མ་བཅིངས་མ་གྲོལ་བའི་གཏམ་ལགས་སོ།། བྲང་དུ་མ་མཆིས་ཤིང་དོར་དུ་མ་མཆིས་ཏེ། རང་བཞིན་གྱིས
iiif viewer powered by OpenSeadragon
