| e-texts navigator |
| Wylie |
253a1 ཇི་སྙེད་སྤངས་པ་སྙེད་ལའོ། ། སྨྲས་པ། བུ་མོ་ཁོ་བོའི་ཉོན་མོངས་པ་རྣམས་ནི་སྤངས་པ་མེད་དོ།། སྨྲས་པ། བཙུན་པ་ཉོན་མོངས་པ་དང་བཅས་པ་ལགས་སམ། སྨྲས་པ། ཁོ་བོ།།
253a2 ནི་ཉོན་མོངས་པ་དང་བཅས་པ་ཡང་མ་ཡིན། ཉོན་མོངས་པ་རྣམས་སྤངས་པ་ཡང་མ་ཡིན་ནོ།། སྨྲས་པ། ཅི་བཙུན་པ་ཁྱོད་ཀྱིས་ཉོན་མོངས་རྣམས་བཞག་གམ། སྨྲས་པ། བསྐྱེད་པ་ཡང་མེད། འགག་པར
253a3 བྱས་པ་ཡང་མེད། བཞག་པ་ཡང་མེད་དེ། དེ་བཞིན་ཉིད་ཇི་ལྟ་བ་དེ་བཞིན་དུ་ཤེས་སོ།། སྨྲས་པ། ཅི་དེ་བཞིན་ཉིད་ཤེས་པར་བགྱི་བ་ཞིག་ལགས་སམ། སྨྲས་པ། དེ་ནི་མ་ཡིན་ནོ།། སྨྲས་པ། འོ་ན
253a4 ཅིའི་སླད་དུ། དེ་བཞིན་ཉིད་ཇི་ལྟ་བ་དེ་བཞིན་དུ་ཉོན་མོངས་པ་ཤེས་སོ།། ཞེས་གསུངས་གལ་ཏེ་མཁྱེན་ན་ནི་དེ་བཞིན་ཉིད་མ་ལགས་སོ།། ཅི་སྟེ་མི་མཁྱེན་ན་ནི་དེ་ལྟར་ན་བཙུན་པ་བྱིས་པ་སོ་སོའི་སྐྱེ་བོ་ཐམས
253a5 ཅད་དང་མི་ཤེས་པ་ཅན་དུ་མཚུངས་སོ། ། སྨྲས་པ། བུ་མོ་ཁྱོད་ཀྱི་ཚིག་ཐམས་ཅད་ནི་གཞན་གྱི་ཚིག་གཅོད་པར་བྱེད་པའོ།། སྨྲས་པ། བདག་ནི་སུའི་ཚིག་ཀྱང་གཅོད་པར་ཡང་མི་བགྱིད། བསྒྲུབ་པར
253a6 ཡང་མི་བགྱིད་དོ། ། དེ་ཅིའི་སླད་དུ་ཞེ་ན། ཆོས་ཀྱི་དབྱིངས་ནི་གཅད་དུ་མ་མཆིས་པ་ལགས་ལ། ཚིག་ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བའི་སླད་དུའོ།། སྨྲས་པ། གང་ཁྱོད
253a7 ཀྱིས་བདག་བྱིས་པ་སོ་སོའི་སྐྱེ་བོ་ཐམས་ཅད་དང་བསྙམས་ཏེ། བཞག་པ་དེ་ཁྱོད་འགྱོད་པར་མ་འགྱུར་རམ།། སྨྲས་པ། བཙུན་པ་འོད་སྲུངས་ཆེན་པོ་གལ་ཏེ་བདག་གིས་གནས་བརྟན་ཡང་ཐ་དད་ལ
iiif viewer powered by OpenSeadragon
