| e-texts navigator |
| Wylie |
248a1 བདག་གི་བསམ་པ་ཅི་འདྲའི་དབང་ན་སྟོབས་བཅུ་ལྡན་པ་ལགས།། བདག་ནི་ཀུན་ལ་ཤིན་ཏུ་སྡུག་ཅིང་ང་རྒྱལ་བསལ་བ་དང་།། སྦྱིན་དང་དུལ་དང་ལྡན་ཞིང་ཚུལ་ཁྲིམས་ལྡན་ལ་བཟོད།
248a2 ལྡན་དང་།། བརྩོན་འགྲུས་དྲན་པ་ཏིང་འཛིན་ཤེས་རབ་རྣམ་དག་གནས་པ་དང་།། བྱམས་དང་སྙིང་རྗེར་ལྡན་ཞིང་བདེན་པའི་ཆོས་ལ་སྤྱོད་གྱུར་ཅིག། ཕན་བཞེད་རྒྱལ་བ་གལ་ཏེ་བདག་ལ་ལུང་སྟོན་མི་མཛད།
248a3 ཀྱང་། མི་ཡི་དབང་པོ་བདག་ནི་རང་གིས་རང་ལ་ལུང་ཡང་བསྟན།། བདག་ནི་རང་བྱུང་མི་འགྱུར་སྙམ་དུ་ཡིད་གཉིས་དོགས་མ་མཆིས།། དེ་ལྟར་བདག་ནི་བསམ་པ་ཐག་པས་བྱང་ཆུབ་ཉིད་སེམས་ངེས།།
248a4 མི་དབང་འཛུམ་པ་མཛད་ནས་ཟླ་བའི་ཏོག་གིས་ཞུས་པ་ནི།། རང་བྱུང་འཛུམ་པ་མཛད་པ་འདི་ནི་ཅི་ལགས་ལུང་བསྟན་གསོལ།། གང་གི་ཕྱིར་ན་ངས་ནི་དག་པའི་འོད་རྣམས་བསྟན་མཛད་པ།། ཟླ་བའི
248a5 ཏོག་ཁྱོད་མཉན་པར་གྱིས་ཤེས་སྟོན་པས་དེ་ལ་གསུངས། ། ལྷ་མིན་སྒྲ་གཅན་བདག་ཉིད་ཆེན་པོ་བྱང་ཆུབ་མཆོག་ལ་ཞུགས།། གཡོག་འཁོར་སུམ་ཁྲི་ཉིས་སྟོང་གང་ལགས་རྣམས་ཀྱང་དེ་བཞིན་ཏེ།།
248a6 བསྐལ་པ་སྟོང་ཕྲག་བརྒྱར་ནི་བྱང་ཆུབ་སྤྱོད་སྤྱད་ནས།། ཐམས་ཅད་རྗེས་སུ་འཐུན་པར་བྱང་ཆུབ་གཙོ་བོ་ཐོབ་པར་འགྱུར།། རྒྱལ་བ་གངྒཱའི་བྱེ་མ་སྙེད་རྣམས་ལ་ནི་མཆོད་བགྱིད་དེ།། དེས་ན་སེམས་ཅན
248a7 ཤིན་ཏུ་མང་པོ་བྱང་ཆུབ་བཀོད་ནས་ཀྱང་། ། དེ་ཡི་འོག་ཏུ་བསྐལ་པ་དགེ་བ་བཀོད་པ་མཛེས་པ་ལ།། བྱང་ཆུབ་རྡུལ་བྲལ་ཞི་བ་མྱ་ངན་མེད་པར་འཚང་ཡང་རྒྱ།། སྒྲ་གཅན་བདག་ཉིད་ཆེན་པོ་འདི་ནི་ཆོས་ཀྱི
iiif viewer powered by OpenSeadragon
