| e-texts navigator |
| Wylie |
247b1 ཆོས་ཐམས་ཅད་རང་བཞིན་གྱིས་སྟོང་པ་ཉིད་ལ་འཇུག་པས། ཆོས་ཟབ་མོའི་ཚུལ་ལ་འཇུག་པ་སྟེ། སྒྲ་གཅན་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས་དཔས་སེམས་ཆེ་བ་ཉིད་ཐོབ་པར་འགྱུར་རོ།།
247b2 དེ་ནས་ལྷ་མ་ཡིན་གྱི་དབང་པོ་སྒྲ་གཅན་འཁོར་སུམ་ཁྲི་ཉིས་སྟོང་དང་བཅས་པ་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས། རིན་པོ་ཆེའི་མེ་ཏོག
247b3 རིན་པོ་ཆེ་ཐམས་ཅད་ཀྱིས་སྤྲས་པ་ཁལ་བཅུ་ཚད་ང་རྒྱས་བཅོམ་ལྡན་འདས་ལ་གཏོར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པས
247b4 མངོན་པར་བསྟོད་པ། ། ཕྱོགས་བཅུ་དག་ན་སེམས་ཅན་ཁམས་རྣམས་མཐའ་ཡས་གང་སུ་དག། སྐད་ཅིག་ཐང་ཅིག་ཡུད་ཙམ་ཅག་ལ་རྒྱལ་བ་མཆོད་བྱེད་དང་།། ཕྱོགས་བཅུ་དག་ན་སེམས་ཅན་གང་དག་བསྐལ
247b5 པ་འབུམ་དུ་ཡང་། ། མཆོད་ལ་བརྩོན་པའི་སེམས་ཅན་དག་ནི་ཕན་པ་བྱེད་པ་དང་།། བྱམས་དང་བསོད་ནམས་འཕགས་པའི་རང་བཞིན་ལས་བྱུང་མཆོད་པ་རྣམས། ཇི་འདྲ་བ་དང་མཚུངས་ཤིང
247b6 མཉམ་པ་མ་ལགས་ཁྱོད་ལ་འོས། ། མཚུངས་མེད་སེམས་ཀྱིས་ཡང་དག་གནས་ནས་བསྐྱེད་པ་གང་ལགས་པ།། དེ་ནི་སྟོབས་བཅུ་ལྡན་པ་རྣམས་ལ་རྗེད་དང་མཆོད་པ་ལགས།། བདག་ནི
247b7 བྱང་ཆུབ་རེག་འགྱུར་སྙམ་སྟེ་དེ་ལ་སྒྲིམ་གནས་ནས། ། བདག་ནི་གཡོ་མེད་བྱང་ཆུབ་མཚུངས་མ་མཆིས་ལ་ཞུགས་པ་ལགས།། མི་དབང་ལས་གཞན་སྲིད་གསུམ་སུ་ཡང་བདག་གི་དབང་མ་མཆིས།།
iiif viewer powered by OpenSeadragon
