| e-texts navigator |
| Wylie |
244b1 ཆོས་ཐམས་ཅད་ཡོངས་སུ་རྫོགས་པར་འགྱུར་རོ། ། རྫུ་འཕྲུལ་གྱི་རྐང་པས་བརྒྱན་ན། ལུས་དང་སེམས་ཡང་བར་འགྱུར་རོ།། དབང་པོ་ལྔས་བརྒྱན་ན། དད་པ་བརྟན་པ་དང་། བརྩོན་འགྲུས
244b2 བརྟན་པ་དང་། རྨོངས་པ་མེད་པ་དང་། སེམས་ལས་སུ་རུང་བ་དང་། ཉོན་མོངས་པ་ཐམས་ཅད་སྤོང་བར་འགྱུར་རོ།། སྟོབས་ཀྱིས་བརྒྱན་ན། རྫི་བ་མེད་པ་དང་། དགྲ་དང་འཁུ་བ་ཐམས་ཅད་ངེས
244b3 པར་འཇོམས་པར་འགྱུར་རོ། ། བྱང་ཆུབ་ཀྱི་ཡན་ལག་གིས་བརྒྱན་ན། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་ཁོང་དུ་ཆུད་པར་འགྱུར་རོ།། ལམ་གྱིས་བརྒྱན་ན། ཡང་དག་པའི་ཡེ་ཤེས་འདྲེན
244b4 པར་འགྱུར་རོ། ། ཞི་གནས་ཀྱིས་བརྒྱན་ན། ཉོན་མོངས་པ་ཐམས་ཅད་ཚར་གཅོད་པར་འགྱུར་རོ།། ལྷག་མཐོང་གིས་བརྒྱན་ན། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་འགྱུར་རོ།།
244b5 ཐབས་ཀྱིས་བརྒྱན་ན། འདུས་བྱས་དང་། འདུས་མ་བྱས་ཀྱིས་བདེ་བ་ཡོངས་སུ་རྫོགས་པར་འགྱུར་རོ།། ཀླུའི་བདག་པོ་མདོར་ན། དགེ་བ་བཅུའི་ལས་ཀྱི་ལམ་འདི་དག་ཁོ་ནས། དེ་བཞིན་གཤེགས་པའི
244b6 སྟོབས་བཅུ་ཡོངས་སུ་རྫོགས་པ་དང་། མི་འཇིགས་པ་བཞི་ཡོངས་སུ་རྫོགས་པ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་འགྱུར་ཏེ། ཀླུའི་བདག་པོ་དེ་ལྟ་བས་ན། དགེ་བ་བཅུའི
244b7 ལས་ཀྱི་ལམ་འདི་དག་རྒྱས་པར་རྣམ་པར་དག་པར་དབྱེ་བ་དང་། བརྒྱན་པར་བརྩོན་པར་བྱའོ།། ཀླུའི་བདག་པོ་དཔེར་ན། གྲོང་དང་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་།
iiif viewer powered by OpenSeadragon
