| e-texts navigator |
| Wylie |
241a1 དབང་གཅིག་པུར་འགྱུར་བ་ཡིན་ཏེ། བརྒྱད་པོ་དེ་དག་གོ།། བརྫུན་དུ་སྨྲ་བ་སྤངས་པའི་དགེ་བའི་རྩ་བ་དེ་གལ་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ
241a2 སྔོ་ན། དེས་དེ་བདེན་པའི་རྗེས་སུ་འཇུག་པའི་ཚིག་ཏུ་འགྱུར་རོ།། ཀླུའི་བདག་པོའི་ཕྲ་མ་སྤངས་པའི་སྐྱེས་བུ་གང་ཟག་ནི། མི་ཕྱེད་པ་ལྔ་ཐོབ་སྟེ། ལྔ་གང་ཞེ་ན། གཞན་གྱིས་གནོད་པར་བྱ་བ་དང
241a3 བྲལ་བས་ལུས་མི་ཕྱེད་པ་ཐོབ་པ་དང་། གཞན་དག་གི་ལ་ཆགས་པ་མེད་པས་གཡོག་འཁོར་མི་ཕྱེད་པ་ཐོབ་པ་དང་། ལས་ཀྱི་རྣམ་པར་སྨིན་པ་མཐོང་བས་དད་པ་མི་ཕྱེད་པ་ཐོབ་པ་དང་། བསྒྲུབ་པ
241a4 སྙིང་པོར་བྱེད་པས་ཆོས་ལས་མི་ཕྱེད་པ་ཐོབ་པ་དང་། མི་སླུ་བས་མཛའ་བཤེས་མི་ཕྱེད་པ་ཐོབ་པ་སྟེ། ལྔ་པོ་དེ་དག་གོ།། དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ
241a5 ཏུ་ཡོངས་སུ་སྔོ་ན། དེས་དེ་གཡོག་འཁོར་མི་ཕྱེད་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་ཏེ། དེའི་འཁོར་བདུད་དང་ཕས་ཀྱི་རྒོལ་བ་ཐམས་ཅད་ཀྱིས
241a6 དབྱེ་བར་མི་ནུས་སོ། ། ཀླུའི་བདག་པོ་ངག་རྩུབ་པོ་སྤངས་པའི་སྐྱེས་བུ་གང་ཟག་ནི། ངག་ཡོངས་སུ་དག་པ་བརྒྱད་ཐོབ་ལ། ཤི་འཕོས་ན་ཡང་ལྷ་དང་མི་རྣམས་ཀྱི་ནང་དུ་སྐྱེ་བར་འགྱུར་ཏེ། བརྒྱད
241a7 གང་ཞེ་ན། འདི་ལྟ་སྟེ། རན་པའི་ཚིག་དང་། ཕན་པའི་ཚིག་དང་། རིགས་པའི་ཚིག་དང་། འཇམ་པའི་ཚིག་དང་། གཟུང་བའི་ཚིག་དང་། མཉན་པའི་ཚིག་དང་། སྐྱེ་བོ་མང་པོ་དགའ
iiif viewer powered by OpenSeadragon
