| e-texts navigator |
| Wylie |
238b1 པར་འདུ་བྱེད་པ་དེའི་ཕུང་པོ་དང་། སྐྱེ་མཆེད་རྣམ་པར་བསྒྲུབས་ནས་ཉེ་བར་གནས་པའི་མཚན་ཉིད་མངོན་པར་བསྒྲུབས་པ་གང་ཡིན་པ་དེ་དག་མཛེས་ཤིང་གཟུགས་བཟང་ལ་བལྟ་ན་སྡུག་པ་མངོན་པར
238b2 འགྲུབ་པར་འགྱུར་རོ། ། ཀླུའི་བདག་པོ་དེ་བཞིན་གཤེགས་པའི་སྐུ་བསོད་ནམས་བྱེ་བ་ཕྲག་འབུམ་གྱིས། ཇི་ལྟར་བརྒྱན་པ་དང་། ཇི་ལྟར་རྣམ་པར་བསྒྲུབས་པ་དང་། གང་གིས་ལྷ་དང་བཅས
238b3 པའི་འཇིག་རྟེན་ཟིལ་གྱིས་མནན་ཅིང་། ནོན་པར་འདུག་པ་དང་། གང་གིས་འབུམ་ཕྲག་བཅུ་ལ་དབང་སྒྱུར་བའི་ཚངས་པ་འདི་དག་ཀྱང་མོག་མོག་པོ་བྱེད་པ་དང་། དེ་བཞིན་གཤེགས་པའི་སྐུ་ལ
238b4 བལྟ་བ་ན་ཡང་། མིག་ཁྲལ་ཁྲུལ་དུ་གྱུར་པ་ལ་བལྟོས། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གི་ལུས་ཀྱི་རྒྱན་གཟུགས་ཀྱི་མཚན་རྣམས་ལ་བལྟོས། འདི་དག་ཐམས་ཅད་ནི།
238b5 དགེ་བ་མངོན་པར་འདུ་བྱེད་པས་མངོན་པར་འདུ་བྱས་པས་བརྒྱན་པ། རྣམ་པར་བསྒྲུབས་པ་དག་གོ།། ཀླུའི་བདག་པོ་ཁྱོད་ཀྱི་བཀོད་པ་འདི་ཡང་བསོད་ནམས་ལས་བྱུང་བ་ཡིན་ནོ།། བརྒྱ་བྱིན་དང་།།
238b6 ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའི་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་འདི་རྣམས
238b7 ཀྱི་བཀོད་པ་འདི་དག་ཐམས་ཅད་ཀྱང་བསོད་ནམས་ལས་བྱུང་བ་དག་གོ། ཀླུའི་བདག་པོ་རྒྱ་མཚོ་ཆེན་པོ་འདི་ན་གང་དག་ལུས་སྣ་ཚོགས་གཟུགས་མི་སྡུག་ཅིང་དབྱིབས་མ་ལེགས་པ་དང་། ལུས་རགས
iiif viewer powered by OpenSeadragon
