| e-texts navigator |
| Wylie |
237b1 ནས་བུ་དང་བཅས། ཆུང་མ་དང་བཅས། གཉེན་འདབ་དང་འཁོར་དང་བཅས་པས། རང་གི་ལག་གི་ཞལ་ཟས་རོ་བརྒྱ་དང་ལྡན་པ་བསོད་པ་མང་པོས་ཚིམ་པར་བྱེད་ཅིང་། ཅི་བཞེད་པ
237b2 སྟོབས་པར་བྱེད་དོ། ། ཚིམ་པར་བྱས་ཤིང་ཅི་བཞེས་པ་སྟབས་ནས། བཤོས་གསོལ་ལགས་ཏེ། སང་སྡེར་གྱུ་བ་དང་། ཕྱག་བཅབས་པར་རིག་ནས། ཆོས་མཉན་པའི་ཕྱིར་ཀླུའི་རྒྱལ་པོ
237b3 རྒྱ་མཚོའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་དང་། བརྒྱ་བྱིན་དང་། ཚངས་པ་དང་།
237b4 འཇིག་རྟེན་སྐྱོང་བ་རྣམས་དང་། ཕྱོགས་བཅུ་ནས་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ། བཅོམ་ལྡན་འདས་ཀྱི་སྤྱན་སྔར་འཁོད་དོ།། དེ
237b5 ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་ཚོགས་ཏེ། འཁོད་པར་ཐུགས་སུ་ཆུད་ནས། བདེ་བ་དང་དགའ་བ་དང་། མཆོག་ཏུ་དགའ་བའི་ཆོས་མཉན་པ་ཞེས་བྱ་བའི་འོད་གཟེར
237b6 སྐུ་ལས་འགྱེད་པར་མཛད་དོ། ། འོད་གཟེར་དེ་དག་གིས་རྒྱ་མཚོ་ཆེན་པོའི་ནང་ན། སྲོག་ཆགས་རབ་དང་འབྲིང་དང་། ཐ་མ་ཇི་སྙེད་གནས་པ་དེ་དག་ཐམས་ཅད་ཀྱིས། བཅོམ་ལྡན་འདས
237b7 མདུན་ན་བཞུགས་པར་མཐོང་བར་གྱུར་ཏེ། བདེ་བ་དང་། དགའ་བ་དང་། མཆོག་ཏུ་དགའ་བ་སྐྱེས་ནས། ཆོས་མཉན་པ་ལ་བྲོད་ཅིང་། གུས་པ་དང་བཅས་པས་ཐལ་མོ་སྦྱར་ཏེ། བཅོམ་ལྡན་འདས
iiif viewer powered by OpenSeadragon
