| e-texts navigator |
| Wylie |
236b1 མཛད་པ། ། ནམ་མཁའ་འདྲ་ཞིང་དགོངས་པ་དག་པ་སྟེ། དྲི་མ་ཀུན་སེལ་རྣམ་པར་འདྲེན་པ་པོ།། ཡོན་ཏན་རྒྱ་མཚོ་བསོད་ནམས་མི་ཟད་པ།། རྒྱ་མཚོར་འཇུག་པ་ཡེ་ཤེས་རྒྱ་མཚོར་ལྡན། ཆོས
236b2 ཀྱི་དབང་ཕྱུག་ཉོན་མོངས་སེལ་མཛད་པ། ། ཆོས་ཀྱི་སྦྱིན་བདག་སེར་སྣ་མི་མངའ་བ།། ཆོས་ཀྱི་རིན་ཆེན་ནོར་མཆོག་སྦྱིན་མཛད་པ།། ཆོས་མཆོག་ཡེ་ཤེས་དེ་ཉིད་སྟོན་པ་པོ།། དགའ་བ་སྟོན་པ་བདེ
236b3 བ་སྟོན་མཛད་པ། བག་ལ་ཉལ་གྱི་ཉེས་པ་སྤོང་བ་སྟོན།། རི་ཡི་དབང་པོ་བཞིན་དུ་མི་གཡོ་བ།། དེ་བཞིན་གཤེགས་པ་ཁྱོད་ལ་མགོས་ཕྱག་འཚལ།། མི་དང་ལྷ་དང་མཁའ་ལྡིང་གསང་བ་པ།
236b4 ལྷ་མིན་སྲིན་པོ་མི་འམ་ཅི་ཡི་བདག། ཀླུ་རྣམས་དང་ནི་གྲུལ་བུམ་གནོད་སྦྱིན་རྣམས།། ཁྱོད་ཀྱི་ཞབས་ལ་མགོ་བོས་ཕྱག་ཀྱང་འཚལ།། མཚན་མཆོག་སུམ་ཅུ་རྩ་གཉིས་ལྡན་པ་སྟེ། རབ་མཛེས
236b5 དཔེ་མེད་ཤིན་ཏུ་སྟོན་མཛད་པ། ། གསེར་གྱི་མདོག་ཅན་དཔལ་ལྡན་མདོག་སྡུག་པ། སེན་མོ་ཟངས་འདྲ་མདོག་སྡུག་ཕྱག་མཐིལ་མ་ཉམ།། ཀ་ལ་བིངྐའི་གདངས་ཅན་ཡ་མཚན་གསུང་། ཚངས
236b6 པ་ལྔ་དབང་གདངས་ཅན་གདངས་ཀྱི་མཆོག། གསུང་གིས་སྟོང་གསུམ་སོ་སོར་འགེངས་པར་མཛད།། འཇམ་མཉེན་གསུང་ལྡན་ཁྱོད་ལ་ཕྱག་འཚལ་ལོ།། དབང་པོ་དུལ་ཞིང་ཐུགས་ཀྱང་དུལ་བ
236b7 སྟེཞལ་རས་ཟླ་བ་འདྲ་ཞིང་སྤྱན་ལེགས་པ། རྟག་ཏུ་བདེན་པ་གསུང་ཞིང་མཉམ་པར་གཞག། རྟག་ཏུ་ཆོས་འཛིན་ཁྱོད་ལ་ཕྱག་འཚལ་ལོ།། རྒ་ནད་སྡུག་བསྔལ་རབ་ཏུ་གྲོལ་མཛད་པ།
iiif viewer powered by OpenSeadragon
