| e-texts navigator |
| Wylie |
236a1 ནམ་མཁའ་ལྡིང་གི་བུ་མོ་དང་། དྲི་ཟའི་བུ་མོ་དང་། མི་འམ་ཅིའི་བུ་མོ་དང་། ལྟོ་འཕྱེ་ཆེན་པོའི་བུ་མོ་བྱེ་བ་ཕྲག་འབུམ་དག་གིས་སིལ་སྙན་དང་། གླུའི་དབྱངས་ལེན་ཅིང
236a2 བཅོམ་ལྡན་འདས་མདུན་ནས་བསུ་ནས། དེའི་ཚེ་རྒྱུད་ཀྱི་སྒྲ་སྐད་ལས་འབྱུང་བའི་ཚིགས་སུ་བཅད་པ་ཁྱད་པར་དུ་འཕགས་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་པ། སྦྱིན་པ་ལས
236a3 བྱུང་ཚུལ་ཁྲིམས་མཛེས་དང་ལྡན། བཟོད་པའི་སྟོབས་ལས་བྱུང་བ་བྱམས་པ་བསྒོམས།། བརྩོན་འགྲུས་ལས་བྱུང་དོན་གྱི་རྒྱ་མཚོ་ལགས། བསམ་གཏན་རྣམ་ཐར་དགྱེས་པ་ཁྱོད་ཕྱག་འཚལ
236a4 ཤེས་རབ་འོད་ལྡན་དགོངས་པ་རྣམ་པར་དག། འོད་དང་གཟི་བརྗིད་དཔལ་གྱི་མངོན་པར་བརྒྱན། རྣམ་པར་གྲོལ་བ་མངོན་སུམ་སྟོན་མཛད་པ། ཐུབ་པ་ཉོན་མོངས་བསལ་ལ་ཕྱག་འཚལ་ལོ།།
236a5 བརྟུལ་ཞུགས་ཤིན་ཏུ་རྫོགས་པ་བརྟུལ་ཞུགས་མཆོག། དཀའ་ཐུབ་མཐར་ཕྱིན་རྟོགས་པར་ཐུགས་སུ་ཆུད།། མིག་ནི་སྦྱིན་པར་མཛད་ཅིང་མིག་སྦྱོང་བ།། འགྲོ་བ་ཀུན་ཏུ་རྒྱུ་བ་འགྲོ་བའི་མཆོག
236a6 དོན་དམ་ཟབ་མོ་ཤིན་ཏུ་སྟོན་པ་པོ། ། གཞན་ལ་ཕན་པ་ཟླ་མེད་ཐུགས་སུ་ཆུད།། ཆགས་པ་མེད་པར་ཚིག་གི་དོན་སྟོན་པ།། གཞན་ལ་ཕན་པ་ཟླ་མེད་བོང་མཛད་པ།། དུས་སྐབས་མཁྱེན་པ་ཀུན་ཏུ
236a7 སྟོན་པ་པོ། ། རྒོལ་བ་ངན་པའི་ཚོགས་ཀུན་རབ་འཇོམས་པ།། བརྟུལ་ཞུགས་ཡོངས་སུ་རྫོགས་པ་བརྟུལ་ཞུགས་མཆོག། བདུད་རྩིའི་བདེ་སྐྱིད་བདེ་བ་སྦྱིན
iiif viewer powered by OpenSeadragon
